اسلام‌دا ائولنمک یالنیز عادی وضعیتلرده دئییل، بحران وضعیتلرینده، او جمله‌دن محاربه واختین‌دا داها مقبول عمل ساییلیر، اونا گؤره ده ائوله‌نین!

Axar.az خبر وئریر کی، بو ایرانین دینی مرکزی اولان قم شهرینین دینی سمینارییاسینین بیاناتین‌دا دئییلیب.

"بو شرایط‌ده قیزلارینیزین ائولنمه‌سی اخلاقی و دینی قایدالارا ضد دئییل، عکسینه، هم ده دینی و اخلاقی سرحدلره رعایت ائتمک، باشقالارینین حسلرینه حرمت ائتمک شرطی ایله جمعیتین امید و دینامیزمینی گوجله‌ندیرمک اوچون مثبت آددیم ساییلیر»،- ایران ملالارینین بیاناتین‌دا بیلدیریلیب.

قید ائدک کی، ایران‌دا عائله قورانلارین سایینین کسکین آزالماسی یاخین ایللرده اؤلکه‌ده جمعیتین سرعتله قوجالماسی ریسکینی آرتیریب.

بونون قارشی‌سینی آلماق اوچون مختلف تدبیرلر گؤرولور، آزیاشلیلارین ائولندیریلمه‌سینه برائت قازاندیرماق اوچون دینی اساسلار گؤستریلیر.

عینی حال‌دا ائرکه‌ن عائله قورانلارا کرئدیت و باشقا امتیازلارین وئریلمه‌سی اؤلکه‌ده یئنی کوروپسییا جریانینین یارانماسینا سبب اولوب.

اؤتن ایل بانک و دینی قوروملارین نماینده‌لرینین قوردوغو شبکه افشا اولونوب، اونلارین اؤلکه‌نین مختلف بؤلگه‌لرینده یاشی ۷۰-دن یوخاری اولان مینلرله انسانین آدینا "ائولی‌لیک کرئدیتی" آلدیغی آشکار ائدیلیب.