دنیانین مختلف اؤلکه‌لریندن اولان و آرالاریندا دنیا سویه‌سین‌ده تانینمیش شخصلرین ده اولدوغو ۸۰۰ کینماتوگراف ایران‌دا اعتراض آکسیالاری ایله باغل بیرگه بیانات یاییبلار.

Axar.az خبر وئریر کی، بو باره‌ده بین‌الخالق مئدیا معلومات یاییب.

"هئچ بیر حاکمیت اؤز سیاسی موجودلوغونو قورویوب ساخلاماق اوچون حقیقتی اؤرت-باسدیر ائتمک و ناراضیلاری سوسدورماقدا حاقلی دئییل"،- بیانات‌دا بیلدیریلیب.

ایران حکومتینین اعتراضچیلارا قارشی مثلی گؤرونمیش قدارلیغا ال آتدیغینا دقت چکهن بیانات مؤلفلری تهران رژیمینین عمللرینی بشریته قارشی جنایته برابر اولدوغونو وورغولاییبلار:

"ایران خالقینین ظلمه، یوخسوللوغا، آیری-سئچکی‌لییه و ایستروکتور عدالتسیزلیینه قارشی گئنیش یاییلمیش و دینج اعتراضلارینا جواب اولاراق، اسلام رسپوبلیکاسی خالقین سسینی دینله‌مک اوزینه، گوله، کوتلوی قتللر، کوتلوی حبسلر، ایشگه‌نجه‌لر و اؤلکه مقیاسین‌دا اینترنتین باغلانماسی ایله جواب وئردی."

اونلار همچینین مستقل بین‌الخالق قوروملارین، فیلم فستیواللارینین، مدنیت و اینجه‌صنعت قوروملارینین، ائلجه ده گلوبال رژیسورلار و صنعت‌چیلر بیرلیینین ایران‌دا تؤره‌دیلن جینایتلری پیسله‌مه‌سینی و اسلام رسپوبلیکاسینین رسمی قوروملاری ایله مناسبتلرینی یئنی‌دن نظردن کئچیرمه‌سینی طلب ائدیبلر.