دم گازی اؤزو عمومی‌لیکده حیاتدا آیریجا مؤوجود اولان گاز دئییل. دم گازی ناتمام یانما محصولودور. یعنی طبیعی گازین ناتمام یانما پروسسی زمانی دم گازی آیریلیر.

بو سؤزلری Axar.az-آ آچیقلاماسین‌دا «آذریگاز» استحصالات بیرلیینین س.ت.م.م شعبه‌سینین رئیسی ایلکین بهبودوو سون دؤورلرده دم گازین‌دان بوغولما حاللارینین آرتماسی باره‌ده دانیشارکه‌ن دئییب.

اونون سؤزلرینه گؤره، ناتمام یانما پروسسی طبیعی گازین گاز قورغولارین‌دا تکنیکی نورماتیو طلبلره جواب وئرمه‌دن استفاده اولونماسی زمانی یارانیر.

بو هانسی حاللاردا مؤوجوددور؟

«گاز قورغولاری قوراشدیریلان اتاقلاردا دوزگون هوالاندیرمانین تامین اولونماماسی و اکسیژنین چاتیشماماسی.

۱ کوب متر گازین یانماسی زمانی تخمیناً ۱۰ کوب متره قدر هوا، ۲ کوب متره قدر اکسیژن لازم‌دیر. اگر گازلا ایشله‌یه‌ن قورغولار قوراشدیریلدیغی اتاق‌دا اکسیژن تأمیناتی دوزگون تنظیملنمیرسه و دائمی اولاراق یئنی هوا تامین اولونمورسا، بو زمان یانما پروسسی پوزولور. و نتامام یانما نتیجه‌سینده دم گازی عمله گلیر.

همچنین توستو باجاسینین قوراشدیریلماماسی نتیجه‌سینده دم گازینین عمله گلمه‌سی قاچیلمازدیر. توستو باجاسین‌دا نرمال سوورما گئتمه‌دیی زمان یانما پروسسی پوزولور و دم گازی یارانیر. بونون دا نتیجه‌سینده زهرلنمه و اؤلوم حادثه‌لری باش وئریر».

استحلاک‌چیلارا نه‌لر ائتمک مصلحت گؤرولور؟

«اتاقلاردا مطلق هوانین دییشیلمه‌سی اوچون ونتیلیاسییا تامین اولونمالی‌دیر. اگر ونتیلیاسییا سیستمی یوخ‌دورسا، پنجره‌لرده هواچکه‌ن یئرلر، قاپینین آشاغی حصه‌سینده دلیکلر و یا آچیق یئرلر اولمالی‌دیر. متمادی اولاراق اوتاغین هواسی دییشدیریلمه‌لی‌دیر.

توستو باجاسی ایسه دوزگون قوراشدیریلمالی‌دیر. دامدان ان آزی ۵۰ سانتی‌متر یوخاری قالخمالی و دیوارین ایچیله استاندارتلارا اویغون چیخمالی‌دیر.

استحلاک‌چیلاردان طلبیمیز و توصیه‌میز اودور کی، گازدان استفاده قایدالارینا، تکنیکی نورماتیو طلبلرین قورونماسینا دوزگون عمل ائتسینلر. غیر استاندارت سو قیزدیریجیلارین‌دان استفاده ائتمه‌سینلر. دم گازین‌دان قورونماق استحصلاک‌چیلاریمیزین، وطنداشلاریمیزین اؤز الینده‌دیر»، - بهبودوو وورغولاییب.