تبریز شهرداری یعقوب هشیار خارجی ایشلر ناظرلیینین تبریزده‌کی میسیاسینین رهبری ایله گؤروشده تاریخی شاه گؤلو کورورتونون دنیا ارثی کیمی یونسکو طرفیندن قیدیاتا آلینماسی اوچون دیپلماتیک تدبیرلرین سرعتلندیریلمه‌سینه چاغیریب.

Kult.az خبر وئریر کی، بو باره‌ده یئرلی مئدیا معلومات یاییب.

تاریخی شاه گؤلو پارکینین تبریز اوچون بؤیوک پوتنسیال حساب ائدیلدیینه دقت چکن هشیار، تاریخی، مدنی و استراحت کومپلکسینین یئنی‌دن قورولماسی اوچون لایحه‌لر حاضرلاندیغینی و اجرا کمیته‌سی یارادیلدیینی بیلدیریب.

"تبریز شهرینین ان اهمیتلی تاریخی و استراحت کومپلکسینین یونسکو-نون عموم‌دنیا ارث سیاهی‌سینا داخیل ائدیلمه‌سینه سون ایللرده باشلانیلیب و بونون حیاتا کئچیریلمه‌سی خاریجی ایشلر ناظرلیینین، مدنی ارث باش اداره‌سینین و شرقی آذربایجان والی‌سینین دیپلماتیک تعقیبینی طلب ائدیر"،-تبریز شهرداری قید ائدیب.

شاه گؤلونون آغقویونلولار دورونده انشاء ائدیلدیینی خاطرلادان یعقوب هشیار، پارکین هم ده نادر معمارلیق نمونه‌سی اولدوغونو سؤیله‌ییب:

"شاه گؤلو پارکی تکجه ایرانین گؤزل کورورتلاریندان بیری دئییل، هم ده صفوی و قاجار ​​دورلرینین عظمتینی و معمارلیغینی نمایش ائتدیره‌ن کمپلکس‌دیر".