تورکیه خارجی ایشلر ناظیرلیی اسرائیلین غزه زولاغینا هجوملاری ایله باغلی بیانات یاییب.

Axar.az خبر وئریر کی، بیانات‌دا غزه‌ده صلح پروسسینین یئنی مرحله‌یه قدم قویدوغو بیر واخت‌دا حیاتا کئچیریله‌ن هجوملارین ثابتلیین برقرار اولماسی اوچون ائدیله‌ن بین‌الخالق سعیلری تهدید ائتدیی وورغولانیب.

همچنین بیلدیریلیب کی، بو هجوملار بیر داها اسرائیلین بؤلگه‌ده صلح ایستمه‌دیینی نماییش ائتدیریب.

علاوه اولاراق آچیقلامادا دئییلیر کی، اسرائیل آتشکسین قورونماسی و غزه‌یه هومانیتار یاردیمین مانعه‌سیز چاتدیریلماسینی تامین ائتمک ده داخل اولماقلا، بیرلشمیش میللتلر تشکیلاتینین تهلوکه‌سیزلیک شوراسی طرفیندن قبول ائدیلمیش صلح پلانینین بوتون مدعالارینا رعایت ائتمه‌لیدیر.

قید ائدک کی، اسرائیلین اؤتن گون غزه‌یه ائندیردیی هوا ضربه‌لری نتیجه‌سینده خیلی سایدا انسان هلاک اولوب