ایندونزییانین غربی یاوا ایالتینده یئرلشن قونونگ پادانق تپه‌لییی ایللردیر سؤنموش ولکان حساب اولونوردو. لاکین آپاریلان سون آراشدیرمالار بو تپه‌نین اصلین‌ده انسان الی ایله تیکیلمیش نهنگ بیر پیرامیدا اولا بیلجیینی و مصر پیرامیدالاریندان مینلرله ایل داها قدیم اولدوغونو اورتایا قویور.

Axar.az خبر وئریر کی، کاربون تستلری قونونق پادانقین ان قدیم قاتلارینین ۱۶.۰۰۰ - ۲۷.۰۰۰ ایل اوله عاید اولدوغونو گؤستریر.

مقایسه اوچون: مصر پیرامیدالاری تخمیناً ۴.۵۰۰ ایل اول تیکیلیب.

تدقیقاتلار گؤستریر کی، ایستروکتور فرق‌لی دورلرده اوست-اوسته تیکیلیب. ان آلت قات طبیعی ولکانیک لاوانین انسانلار طرفیندن فورمایا سالینماسی ایله یارادیلیب.

انسان الی، یوخسا طبیعت؟

گئولوگلارین بیر قیسمی بونون تمامیله طبیعی بیر تپه اولدوغونو مدافعه ائدرکن، آرخیولوق دنی هیلمان ناتاویجایا و کومانداسی رادار گؤرونتولری ایله داخیلده گیزلی اوتاقلارین و سیممتریک سوتونلارین اولدوغونو ادعا ائدیر.

اگر بو تاپینتیلار رسماً تصدیق‌لنرسه، بو، سون بوز دورون‌ده بیزیم بیلدییمیزدن داها انکشاف ائتمیش بیر سیویلیزاسیانین موجود اولدوغو معناسینا گله‌جک.

بیر چوخ عالیم بو ادعالارا شبهه ایله یاناشیر. اونلارین فکرینجه، ۲۰.۰۰۰ ایل اولکی اووچو-ییغیجی جمعیتلرین بئله نهنگ معمارلیق لایحه‌سینی حیاتا کئچیرمک اوچون لازمی آلتلری و تشکیلاتی قورولوشو اولماییب.