روسیا ایرانا حربی و دیگر ضروری یاردیم گؤستره‌جک، چونکی اؤلکه‌لر آراسین‌دا مقاوله وار و بو، اونلارین اؤز تهلوکه‌سیزلییی ایله باغلی‌دیر.

Axar.az خبر وئریر کی، بونو روسیا دولت دوماسینین مدافعه کمیته‌سینین عضوو آندرئی کولسنیک دئییب.

او بیلدیریب کی، روسیا مناقشه زوناسینا قوشون گؤندرمه‌یه‌جک، لاکین حربی تکنیکا و طیاره‌لر گؤندره بیلر:

«بو، یوکسک رهبرلیک طرفیندن قرارلاشدیریلاجاق. گؤرون یاخین شرق‌ده‌کی مناقیشه‌یه درحال نئچه اؤلکه جلب ائدیلدی؟ اؤلکه‌میز ایرانین محو اولماسینا اجازه وئره بیلمز. اس-۳۰۰ سیستملریمیز آرتیق اورادا موجوددور. دوشونوره‌م کی، اورا داها معاصر بیر سلاح گؤندره بیلریک. بو، اؤلکه‌نین عالی رهبرلیینین صلاحیتی‌دیر».

قید ائدک کی، اسرائیل و آمریکا ۲۸ فورال‌دان ایرانا قارشی حربی عملیاتا باشلاییب. ضربه‌لر نتیجه‌سینده ایرانین عالی دینی لیدری علی خامنه‌ای باش‌دا اولماقلا، اونلارلا یوکسک سویه‌لی مأمور اؤلوب.

ایران قونشو اؤلکه‌لرده‌کی آمریکا بازالارینا و اسرائیله جواب ضربه‌لری ائندیریر.