ایرانین نخجوانا هجوملا باغلی بو اؤلکه‌نین مئدیاسیندا دقتی فاکتدان یاییندیرماق جهدلری ائدیلیر. آذربایجان‌دا دا اجتماعی رایی یؤنلندیرمه‌یه حسابلانمیش مانیپولیاتیو جهدلرین سینخرون شکیلده حیاتا کئچیریلدیی مشاهده اولونور. اساس تزیس بئله‌دیر: «آمریکا و اسرائیلله محاربه آپاردیغی واخت آذربایجانا هجوم ائتمک ایرانین نیینه لازیمدیر»، «بو هجوم آذربایجانی ایرانلا اوز-اوزه قویماق ایسته‌یه‌ن طرفلرین پلانیدیر» و س.

دؤرد عامل بو ادعالارین/تلیغاتین رئال‌لیغی عکس ائتدیرمدیینه امین‌لیک یارادیر.

بیرینجی‌سی، ایران رژیمینین محاربه منطیقی؛

بوتون رگیونو هدف سئچه‌ن ایران‌داکی موجود رژیم داها چوخ اؤلکه‌نی محاربه‌یه قوشماق، بؤلگه‌ده خاوس یاراتماق پرینسیپی ایله حرکت ائدیر و گؤستریر کی، آمریکانین هجوموندان هر کس اذیت چکیر. بو، هم دیگر اؤلکه‌لری ده محاربه‌نین هدفینه چئویرمک، هم ده آمریکانین هجوملارینا قارشی اعتراضلاری کؤروکله‌مک مقصدی داشیییر. حاضردا ایرانا فاکتیکی رهبرلیک ائد‌ن سپاه اوچون هدفلرین فرقی یوخدور.

ایکینجی‌سی، ایران محاربه‌دن اؤنجه بو سناری حاق‌دا خبردارلیق ائتمیشدی؛

رژیم رسمیلری «محاربه بوتون رگیونا یاییلاجاق» آچیقلامالاری وئریردی. باکی‌یا سفر ائد‌ن ایران خاریجی ایشلر ناظرینین معاوینی واحد جلال‌زاده ده «ایرانا قارشی هجوم اولارسا، محاربه سرحدلری آشاجاق» تهدیدینی سسلندیرمیشدی.

اوچونجوسو، ایرانین ممکن هدف سیاهی‌سیندا آذربایجانین آدینین اولدوغو حاق‌دا معلوماتلار واردی؛

معلوماتا گؤره، خامنه‌اینین اؤلوموندن اؤنجه محاربه‌ده هجوم ائدیله‌جک اؤلکه‌لر و هدفلرله باغلی پلانلار حاضرلانیب. بو سیاهیدا رگیون اؤلکه‌لری – آمرکانین حربی بازالارینین اولدوغو، ائلجه ده طرفداش حساب ائتدیی اؤلکه‌لر یئر آلیب. آذربایجانین آدی داها چوخ غربله انرژی امکداشلیغی ائد‌ن اؤلکه کیمی چکیلیردی. ۱۲ گونلوک محاربه‌دن سونرا آذربایجانا دوشمن موقعی ایله تانینان ایران‌لی اکسپرت احمد کاظمی‌نین دیلین‌دن «اسرائیله «نفت ساتان» آذربایجانین انرژی ایستروکتورلاری قانونی هدفدیر»، «آذربایجانین انرژی اینفراستروکتورونو وورماق هرمز بوغازینی باغلاماق‌دان داها افکتیودیر» کیمی تهدیدلرله هدفلر گونده‌مه گتیریلیردی.

دؤردونجوسو، ایرانین موجود رژیمی آذربایجانا دوشمن موقعین‌ده‌دیر؛

ایرانین ۴۴ گونلوک محاربه‌ده ارمنستانا وئردیی دستک، آذربایجانا قارشی تؤره‌دیلن تخریباتلار، محاربه‌دن سونرا دا بونون داوام ائتمه‌سی اوزاق تاریخده باش وئرمه‌ییب. رسمی باکی ایله تهران آراسین‌دا مناسبتلر نورماللاشما مرحله‌سینه کئچ‌سه ده، محافظه‌کارلار، خصوصیله سپاه آذربایجانلا باغلی سیاستینی دییشدیرمه‌ییب.