ایران‌دا یوکسک وظیفه‌لی‌لر آراسیندا یارانمیش جدی فکر آیریلیقلارینی و عراقچی‌نین سپاها یاخین اولدوغونو نظره آلساق، بئله بیر ادعانین دوغرولوغو احتمال اولوناندیر.

بو سؤزلری Axar.az-آ آچیقلاماسیندا گونئی‌لی فعال، سیاسی مشاهده‌چی علیرضا زمانی ایران پرزیدنت مسعود پزشکیان و پارلامنت صدری محمد باقر قالیبافین خالرجي ايشلر ناظري عباس عراقچی‌نین دیپلماتییانی اداره ائتمه اصولوندان ناراضی اولدوغو و استعفاسینی طلب ائتدیکلرینه دایر ادعالاری شرح ائدرکن دئییب.

«عراقچی‌نین وظیفه‌دن اوزاقلاشدیریلماسی قانونلا پرزیدنتین صلاحیتلرینه داخل اولسا دا، ایران‌دا بیر نئچه ناظرلیک‌ده دییشیک‌لیک عادتا عالی لیدرین راضیلیغی ایله باش توتور. اونلاردان بیری ده خارجی ایشلر ناظرلیيی‌دیر. پزشکیانین خارجی ایشلر ناظرینی تک‌باشینا وظیفه‌دن چیخاریب یئنی‌سینی تعیین ائتمه‌سی او قدر دا آسان مسئله دئییل. بو ایسه ضدیتلرین آرتیق کریتیک حدده اولماسی دئمک‌دیر.

ظنیمجه، بو فکرین یارانماسینا سبب عراقچی‌نین سون زمانلاردا حکومتین سیاستینی اجرا ائد‌ن ناظردن چوخ، سپاه کماندیری احمد وحیدی‌نین کمکچیسی کیمی چیخیش ائتمه‌سی اولوب. دئییلیر کی، عراقچی سون ایکی هفته عرضینده پزشکیانی معلوماتلاندیرمادان، وحیدی ایله تام کوردیناسییادا و اونون گؤستریشلری اساسیندا فعالیت گؤستریب. طبیعی کی، بو دا پزشکیانین ناراضیلیغینا سبب اولا بیله‌جک عامل‌دیر.

بعضی منبع‌لرده ایسه ادعا ائدیلیب کی، مارتین سونلاریندا پزشکیان ایله وحیدی آراسیندا محاربه‌نین اداره اولونماسی، خالقا و اقتصادیاتا تأثیری ایله باغلی مسئله‌لرده فکر آیریلیغی یارانیب و جدی مباحثه‌لر یاشانیب.

دیگر طرفدن، پزشکیانین محاربه زمانی هلاک اولموش حکومت عضولرینین یئرینه یئنی شخص تعیین ائتمک صلاحیتی‌نین الیندن آلیندیغی دا قید اولونوب.

حتی وحیدی آچیق شکیلده بیلدیریب کی، محاربه شرایطینه گؤره بوتون اساس وظیفه‌لر نوبتی بیلدیریشه قدر بیرباشا سپاه طرفیندن سئچیلمه‌لی و اداره اولونمالی‌دیر.

قالیبافین دانیشیقلاردان کنارلاشدیریلدیغینی دا گؤردوک. بوتون بونلار ایسه دئییله‌نلرین حقیقت اولا بیلجه‌یینی تصدیقله‌ییر»، - دئیه سیاسی مشاهده‌چی علاوه ائدیب.