یئنی رهبرین سئچیلمه‌سی ایله باغلی اختلافلارین اولماسی باره‌ده ادعالارا باخمایاراق اکسپرتلر مجلسی ایکی نفری رهبرلیک اوچون تصدیق ائدیب، آنجاق اونلارین هر بیری بو مسئولیتی قبول ائتمکدن امتنا ائدیرلر.

Axar.az خبر وئریر کی، بونو ایران پارلامنتینین عضوو پیمان فلسفی دئییب.

"اختلافلارین اولماسی باره‌ده معلوماتلار شایعه‌دیر، رهبر یاخین ایکی-اوچ گون عرضینده اعلان ائدیله‌جک و بو سئچیم علی خامنه‌اینین طرفدارلارینین اوریینجه اولاجاق"،- او بیلدیریب.

ملت وکیلی دولایی یوللا ایرانین کئچمیش رهبری علی خامنه‌اینین اوغلو مجتبی خامنه‍‌ای‌نین رهبرلییه گتیریلجیینه اشاره ائدیب.

فلسفی آمریکا و اسرائیلین ایرانا هجوملارینا دا توخونوب و آمریکانین آدینی چکمه‌دن اسرائیلین یاخین گونلرده مغلوبیته اوغرایاجاغینی دئییب.

قید ائدک کی، آمریکا پرزیدنتی دوالد ترامپ و اسرائیلین باش ناظری بنیامین نتانیاهو یئنی سئچیله‌جک رهبرین ده هدف آلیناجاغی باره‌ده بیاناتلار سسلندیریبلر.