آمریکا پرزیدنتی دونالد ترامپین ایرانا قارشی محاربه‌سی آمریکالیلار اوچون جدی اقتصادی نتیجه‌لره گتیریب چیخارا بیلر، خصوصاً ده نفت و یاناجاق قیمتلرینین کسکین آرتماسی پرزیدنتین اؤزونون مغلوبیتینه سبب اولاجاق.

Axar.az خبر وئریر کی، بو باره‌ده "گاردیان" معلومات یاییب.

نشر قید ائدیر کی، ترامپ ایرانا قارشی عملیاتا باشلایارکه‌ن اونون ونزوئلا لیدری نیکولاس مادورونون اله کئچیریلمه‌سی قدر اوغورلو اولاجاغینا امین ایدی:

"حتی ایرانین اسرائیلی و فارس کؤرفزی اؤلکه‌لرینی آتشه توتماسی بئله آغ ائوین قناعتینی دییشمه‌دی. اونون آچیقلامالاری بونا ثبوتدور. آمریکا پرزیدنتی سوسیال مئدیادا یازیب کی، نفتین قیمتینین قیسامدت‌لی آرتماسی ایرانین نووه تهلوکه‌سی آرادان قالدیریلدیقدان سونرا تهلوکه‌سیزلیک و صلح اوچون اؤد‌نیله‌جک کیچیک قیمتدیر.

او، همچینین وورغولاییب کی، آمریکا اقتصادیاتی بو جور دالغالانمالارا تاب گتیرمک اقتداریندادیر".

قید اولونوب کی، آمریکا بلکه ده انرژی قیمتلرینده‌کی کسکین آرتیملاردان ان یاخشی قورونان انکشاف ائتمیش اقتصادیات‌دیر:

"آخی اورادا طبیعی گاز بؤیوک رول اویناییر، اونون داخلی قیمتی نفتین قیمتی قدر دونیا بازارلارینداکی دالغالانمالارا حساس دئییل. اما ایندی ترامپ نه قدر گوجلو گؤرونسه ده، یئنه ده مغلوب اولا بیلر.

صحبت ایران سلاحلی قوه‌لرینین قالان حیصه‌سینین مغلوبیتین‌دن گئتمیر.

او، آمریکانین حربی "ماجرالارینی" دایاندیرا بیله‌جک یگانه قوه‌نین: آمریکا اجتمایتینین مقاومتی ایله اوز-اوز‌دیر".