آمریکا کشفیاتی ایرانین آرتیق هرمز بوغازینی ایستدیی کیمی افکتیو شکیل‌ده باغلایا و گلوبال اقتصادیاتا اهمیتلی تأثیر گؤستره بیلجیی قناعتینه گلیب.

Axar.az خبر وئریر کی، بونو سی.ان.انین آمریکا کشفیاتینین حساباتی ایله تانیش اولان منبع‌لره استناداً وئردیی معلومات‌دا دئییلیر.

"بیز بوغازین نظارتینی ایرانا وئردیک - بو، ایسته‌نیلن نووه بمباسیندان داها گوجلو بیر سلاحدیر. آمریکا ایله محاربه ایران رهبرلیینین گله‌جکده اوخشار تدبیرلردن استفاده ائتمک احتمالی ایله باغلی فکرلرینی کؤکوندن دییشدیردی. آمریکا کشفیاتینا گؤره، ایران حاکمیتی هم بوغازی باغلامالاری، هم ده فارس کؤرفزی اؤلکه‌لرینه اهمیتلی رسورسلار خرجله‌مه‌دن ضربه ائندیره بیلمه‌لری ایله روحلانیب»، - دئیه آدی آچیقلانمایان منبع بیلدیریب.

وورغولانیر کی، ایرانین هرمز بوغازینی باغلاماق قراریندان بری آمریکا کشفیات اورگانلاری تهرانین گله‌جکده عینی تأثیر واسطه‌لریندن نئجه و هان‌سی شرایط‌ده استفاده ائده بیلجیینی دایم یئنی‌دن قیمتلندیریر.

اونلار قید ائدیبلر کی، بئله بیر وضعیتین تکرارلانماسی آمریکا اوچون سون درجه جدی چتین‌لیکلر یاراداجاق، چونکی نهنگ قوه‌لرین اشتراکی و جمع‌لشمه‌سی اولمادان بوغازی آچماق ممکن دئییل.