«آوروویزیا» ماهنی مسابقه‌سینین تشکیلی ایله باغلی قایدالاردا دییشیک‌لیک ائدیلیب.

Kult.az خبر وئریر کی، یئنی قایدالارا اساساً، سلاحلی مناقشه آپاران اؤلکه مسابقه‌یه ائو صاحب‌لییی ائده بیلمه‌یه‌جک.

آوروپا یاییم اتفاقینین (ائبو) آچیقلاماسیندا بیلدیریلیب کی، غالیب اؤلکه‌ده و یا اونا یاخین اراضی‌ده باش وئرن سلاحلی مناقشه، مرکب گئوسیاسی وضعیت و دیگر حاللار تهلوکه‌سیزلییه و یا ثابتلیه جدی تأثیر گؤستررسه، همین اؤلکه‌نین یاییم‌چیسی مسابقه‌نی کئچیرمک حقوقوندان آوتوماتیک محروم ائدیله‌جک.

بئله وضعیت‌ده ائبو مسابقه‌یه ائو صاحب‌لییی ائتمک اوچون باشقا اؤلکه سئچه‌جک. یئنی ائو صاحبی مسابقه‌نی غالیب اؤلکه‌نین آدیندان دئییل، اؤز آدیندان تشکیل ائد‌جک.

قید ائدک کی، ۲۰۲۲-جی ایلده «آوروویزیا»نین غالیبی اوکراینا اولموشدو. روسیا-اوکراینا محاربه‌سی سببیندن ۲۰۲۳-جو ایلده مسابقه‌نین اوکراینادا کئچیریلمه‌سی ممکن اولماییب. نتیجه‌ده «آوروویزیا-۲۰۲۳» بؤیوک بریتانیانین لیوئرپول شهرینده تشکیل ائدیلیب.