ایرانین تهدیدی سببین‌دن یونانستان کریت آداسینداکی آمریکا اوچون مهم حربی بازالاردان بیرینین مدافعه‌سینی گوجلندیرمک مقصدیله «پاتریوت» سیستملریندن بیرینی اورا یئرلشدیره بیلر.

Axar.az خبر وئریر کی، بو باره‌ده «کافیمرینی» نشری منبع‌لرینه استنادن معلومات یاییب.

قید اولونوب کی، آمریکا اوچون آرالیق دنیزینده مهم اهمیت داشییان بو اوبیکتین مدافعه‌سینین گوجلندیریلمه‌سی ضرورتی ایرانین آوروپاداکی آمریکا بازالارینا ضربه‌لر ائندیرمه‌یه حاضر اولدوغونو بیان ائتمه‌سیندن سونرا یارانیب. کؤچورولمه‌سی پلانلاشدیریلان «پاتریوت» زنیت-راکت کومپلکسی مارت آیین‌دا کارپاتوس آداسیندا یئرلشدیریلیب.

یونانستان مدافعه ناظرلییی یاخین شرق‌ده اسکالاسیانین یاراتدیغی ریسکلری و ایرانین آوروپادا آمریکا حربچیلری طرفیندن استفاده اولونان اوبیکتلره ممکن ضربه‌لر ائندیرمه‌سی احتمالینی آراشدیریر. منبع‌لرین معلوماتینا گؤره، اگر یونانستان حربچیلری آمریکا حربی دنیز قوه‌لرینین بازاسی اوچون تهلوکه‌نی جدی حساب ائتسه‌لر، اراضینین هوا هجوموندان مدافعه‌سینی گوجلندیرمک اوچون «پاتریوت» کومپلکسی اورا کؤچوروله بیلر.