۲۰-جی عصرده بشر تاریخینه خوجالی سویقیریمی کیمی داخیل اولان قانلی فاجعه‌نین ۲۵-جی ایلدؤنومو ایله علاقدار فورالین ۲۶-دا باکیدا عموم خالق یوروشو کئچیریلیر.

آخار. آذ خبر وئریر کی، آذربایجان رئسپوبلیکاسینین پرزیدنتی ایلهام علیئو و بیرینجی ویتسه-پرزیدنت خانیم مهریبان عالیئوا یوروشده ایشتیراک ائدیبلر.

پایتاختین آزادلیق میدانیندان ختایی رایونوندا اوجالدیلمیش عابدیه دوغرو حرکته باشلایان و ۴۰ میندن چوخ اینسانین ایشتیراک ائتدیی عموم خالق یوروشونون مقصدی خوجالی فاجعه‌سی قوربانلارینین خاطرسینی احتیراملا یاد ائتمک، ارمنی فاشیستلری طرفیندن اینسانلیغا قارشی تؤردیلمیش بو وحشی جینایتی یئنیدن دونیا ایجتیمایتینین دقتینه چاتدیرماقدیر.

اؤن سیراسیندا پرزیدنت ایلهام علیئوین و بیرینجی ویتسه-پرزیدنت خانیم مهریبان علیئوانین اولدوقلاری یوروش ایشتیراکچیلاری خوجالی سویقیریمی قوربانلارینین خاطرسینه باکینین ختایی رایونوندا اوجالدیلمیش عابده‌یه دوغرو حرکته باشلادیلار.

عموم خالق یوروشونون ایشتیراکچیلاری و اونلارین کئچدیی پروسپکت و کوچه‌لر بویو دوزولموش مینلرله گنج اللرینده قانلی قیرغینین گناهسیز قوربانلارینین - خصوصی قدارلیقلا قتله یئتیریلمیش اوشاقلارین، قادینلارین و قوجالارین پرترتلری، ۲۵ ایل بوندان اول تؤردیلمیش حادثه‌لرین دهشتلی صحنه‌لرینی عکس ائتدیرن فوتوشکیللر، فاجعه‌نین تقصیرکارلاریندان جاواب طلب ائتمک، اونلاری جزالاندیرماق، بو سویقیریمینا بین الخالق سوییه‌ده سیاسی-حقوقی قیمت وئرمک باره‌ده چاغیریشلار و سویقیریمی قوربانلارینین آدلاری، سوی آدلارینین عکس اولوندوغو آذربایجان، روس، اینگیلیس، فرانسیز دیللرینده پلاکاتلار و ترانسپارانتلار توتموشدولار. یول بویونجا یوللارین کنارلارینداکی مونیتورلاردا، بینالارین فاسادلاریندا و بالکونلاریندا «دونیا خوجالی سویقیریمینی تانیمالی‌دیر!»، «خوجالییا عدالت!»، «خوجالینی اونوتمایین!»، «رد اولسون ارمنی فاشیزمی!»، «خوجالی – ۲۰-جی عصرین سویقیریمی»، «جینایتکارلار جزاسیز قالمایاجاقلار!»، «خوجالی سویقیریمی – ۲۵ ایل» و س. چاغیریشلار و شعارلار نماییش ائتدیریلیردی.

فاجعه‌نین ۲۵-جی ایلدؤنومو ایله علاقدار آذربایجان رئسپوبلیکاسینین پرزیدنتی ایلهام علیئو ۲۰۱۷-جی ایل یانوارین ۲۴-ده «خوجالی سویقیریمینین ایگیرمی بئشینجی ایلدؤنومو حاقیندا» سرانجام ایمضالاییب. آذربایجان رسپوبلیکاسینین پرزیدنتی آدمینیستراسییاسی رهبرینین سرانجامی ایله «خوجالی سویقیریمینین ایگیرمی بشینجی ایلدؤنومونون کئچیریلمه‌سینه دایر تدبیرلر پلانی» تصدیق ائدیلیب.