آذربایجان‌دا "موغام صنعتینین قورونماسی حاقین‌دا" و "آشیق صنعتینین قورونماسی حاقین‌دا" یئنی قانون لاییحه‌لری حاضیرلانیب.

Axar.az خبر وئریر کی، بونو میللی مجلیسین مدنیت کمیته‌سینین صدری رفائل حسینوو "کؤنوللولر پارلامنتی - آذربایجان، ۲۰۱۹" لاییحه‌سینین ایشتیراکچیلاری ایله گؤروش‌ده دئییب.

حسینوو بیلدیریب کی، قانون لاییحه‌لرینین حاضرلانماسی مدنیتیمیزی قوروماق ضرورتین‌دن ایر‌لی گلیر.

میللت وکیلی قید ائدیب کی، بو گون آذربایجان‌دا موغامین اینکیشافینا بؤیوک دقت گؤستریلیر. حسئینووون سؤزلرینه گؤره، موغاما موناسیبت هئچ ده همیشه عینی اولماییب:

"سووئت دؤورون‌ده موغامی سیخیشدیرماغا، آدلارینی دییشمه‌یه چالیشیردیلار".

کمیته صدری بیلدیریب کی، موغام آذربایجانین میللی وارلیغینی عکس ائتدیریر، عینی زامان‌دا آذربایجانی دونیادا تانیدیر:

"تصادفی دئییل کی، اراضیمیزی ایشغال ائتدیکلری کیمی موغامیمیزی، میللی عادت عنعنه‌لریمیزی غصب ائتمک ادعالاری وار".