بو گون آذربایجان‌دا سو چرشنبه‌سیدیر.

Kult.az خبر وئریر کی، سو چرشنبه‌سینده سو و سو منبع‌لری تزه‌لنیر، آرخلار قایدایا سالینیر، سو حوضه‌لرین‌ده آبادلیق ایشلری گؤرولور، سو ایله باغلی موختلیف شنلیکلر کئچیریرلر.

بو چرشنبه سویا تاپینما اینامی ایله باغلی‌دیر. هله گون دوغمامیش‌دان هامی سو اوستونه گئدیر، ال-اوزونو یویور، بیر-بیرینین اوزرینه سو چیلییر، سو اوستوندن آتلانیر، یارالیلارین یاراسینا سو چیلییرلر.

خالقین اینامینا گؤره سو چرشنبه‌سی گونو «تزه سو»دان کئچه‌نلر، آزارینی، بئزارینی اونا وئره‌نلر ایل بویو خسته‌لیکدن اوزاق اولارلار. همین گون سو اوستونده موختلیف مراسیملر کئچیریلیر، قدیم تورکلرده سو تانریلاری ساییلان آبان و یادانین شرفینه نغمه‌لر اوخونور.

سو چرشنبه‌سی ایله علاقدار چوخلو سایدا اینانجلار، فاللار، تورکه چاره‌لر، بایاتیلار، افسانه‌لر و روایتلر وار.