آذربایجانین خالق رسامی، پروفسور کامیل علیئوین ائو موزئیین‌دن اوغورلوق اولوب.

آخار. آذ-این معلوماتینا گؤره، حادثه مشهور خالچاچی رسامین ایچریشهرده یئرلشن ائو موزئیین‌ده باش وئریب.

علیئوین عائله‌سینین مولکیتین‌ده اولان خالچالاردان بیری اوغورلانیب.

فاکتلا باغلی آراشدیرما آپاریلیر.

قید ائدک کی، کامیل علیئو ۱۹۲۱-جی ایل اوکتیابرین ۲۲-ده ایروان شهرین‌ده آنادان اولوب. او، باکی رسام‌لیق مکتبینی بیتیریب. علیئو ۱۹۳۰-جو ایللرده طلبه اولارکن "آذرخالچا" بیرلیین‌ده لطیف کریموو، قضنفر خالیقوو، کاظیم کاظیم‌زاده و باشقا گؤرکه‌م‌لی صنعت آداملاری ایله بیرلیک‌ده باجاریق‌لی اورنامئنتال رسام کیمی چالیشیب.

او، باکی بدیعی رسام‌لیق فوندون‌دا چالیشارکن فیل سومویون‌دن، قیزیل‌دان، گوموش‌دن اونلارلا اوریژینال انتیق اشیانین، گوموش دولچا، چای‌دان، آرمودو ایستکان دستلرینین بدیعی ترتیبات‌چی‌سی، رسام - مؤلفی کیمی اؤزونو تصدیقله‌ییب. بدیعی صنعت اوزره فخری فرمانین دا، همچینین رسپوبلیکانین تطبیقی اینجه صنعت اوستاسی آدینین (۱۹۶۰) ایلک صاحبی اولوب.

علیئو ۲۰۰۵-جی ایلده وفات ائدیب.