اؤمرونو تبریز و آذربایجانین کئچمیشینه عایید اثرلرین توپلانماسینا حصر ائد‌ن مشهور کولئکسیونئر رضا سارابی اقدم عینی حال‌دا هئیکلتراش، یازیچی و آراشدیرماچی عالیم حکومت رسمیلرینین لاقئید موناسیبتی نتیجه‌سین‌ده ایولون ۲-دن حبس‌ده‌دیر.

آخار. آذ-ین معلوماتینا گؤره ائیواز طاها بو باره‌ده یازیب: «دئییله‌نلره گؤره، مسئوللار مادی یاردیم وعده وئره‌رک اونون توپلادیغی بیر چوخ تاریخی اثری پئشه موزئیینه آپاریب، لاکین بونون قارشیلیغین‌دا مالییه وعده لرینه عمل ائتمه‌ییبلر. بو مسئله سبب اولوب کی، جناب سارابی شخصی مالییه عؤهده‌لیکلرینی یئرینه یئتیره بیلمه‌سین و سون‌دا حبس خانالیق اولسون. او تاریخی اثرلری چوخ سئویر. میللی حکومت دؤورون‌دن توپلادیغی چوخلو سندلر اونون تاریخی اثرلره سئوگی‌سین‌دن ایر‌لی گلیر. سئوگی اولماسایدی، بو قدر اثری توپلاماق مومکون اولمازدی.

بیرینجی آددیم کیمی، تکلیف اولونور کی، تبریز شهر شوراسی و بلدییه باشقانی ایله موذاکیره ائتمک ایمکانی اولان شخصلر بو مسئله نی حل ائتمه‌یه چالیش‌سینلار.»