بوتؤو آذربایجان خالق جبهه‌سی (باخجپ) صدری، میللت وکیلی قودرت حسن‌قولوئو تورکییه ایله ویزا رژیمی‌نین آرادان قالدیریلماسینی آلقیشلادیغینی بیلدیریب.

آخار. آذ خبر وئریر کی، باخجپ صدری بیر سیرا اؤلکه‌لرله ده ویزا رژیمی‌نین لغو ائدیله‌جه‌یینه اومید بسله‌دیینی دئییب:

«اومید ائدیرم کی، تئزلیکله اؤز آنا یوردلارین‌دا یاشایان ۳۰ میلیون‌دان چوخ سویداشیمیزین وطنداشی اولدوغو ایرانلا، یاشاییش ایستاندارتلاری بیزدن چوخ اوستون اولان آوروپا اتفاقی، آبش، کانادا، ایسرایل، جنوبی کورئیا، یاپونییا و س. بو کیمی اؤلکه‌لرله ده ویزا رژیمی آرادان قالدیراجاق. بو ایسه اؤز نؤوبه‌سین‌ده اؤلکه‌میزین تانیدیلماسینا و توریزمین اینکیشافینا اؤز تؤهفه‌سینی وئره‌جک. قوی هر بیر خاریجی اؤلکه وطنداشی آسانلیقلا گلیب بیزیم چوخ‌مدنیت‌لی، دؤزوم‌لو، معاصر و دونیوی بیر اؤلکه اولدوغوموزو گؤرسون. بونونلا بیز هم ده ارمنی‌لرین «آذربایجان‌لیلارلا بیرلیک‌ده یاشاماق مومکون دئییل» کیمی ادعالارینی آلت-اوست ائتمیش اولاریق».