بو گون آذربایجان میللی آزادلیق حرکاتی‌نین لیدری، مرحوم پرزیدنت ابولفضل ائلچی‌بی‌یین وفاتین‌دان ۱۹ ایل اؤتور.

۲۴ ایون ۱۹۳۸-جی ایلده ناخچیوان مر-نین اوردوباد رایونونون کلکی کندین‌ده آنادان اولان ابولفضل ائلچی‌بی ۸ ایون ۱۹۹۲-جی ایلده آذربایجان رسپوبلیکاسی‌نین پرزیدنتی سئچیلیب. ۱۹۹۳-جو ایلده حاکمیت‌دن اوزاقلاشدیقدان سونرا دوغما کلکی کندینه یوللانیب و بورادا ۴ ایل ۴ آی یاشاییب.

۱۹۹۷-جی ایلین ۳۰ اوکتیابرین‌دا باکییا دؤنن ائلچی‌بی دموکراتیک کنگرسه صدر سئچیله‌ن آخ.ج.پ صدری همین ایلین نویابرین‌دا بوتؤو آذربایجان بیرلیینی ده یارادیب و اونا باشچیلیغی اؤز اوزرینه گؤتوروب. ائلچی‌بی ۲۲ آوقوست ۲۰۰۰-جی ایلده ۶۲ یاشین‌دا آنکارادا خرچنگ خسته‌لیین‌دن وفات ائدیب. مرحوم پرزیدنت ۱-جی فخری خیابان‌دا دفن ائدیلیب.

ابولفضل ائلچی‌بی۱۹۵۷-جی ایلده باکی دؤولت اونیورسیته‌تی‌نین شرق‌شوناس‌لیق فاکولته‌سی‌نین عرب فیلولوگییاسی شعبه‌سینه داخیل اولوب. بورانی بیتیردیکدن سونرا (۱۹۶۲) تیعیناتلا اس اس ار ای هیدرولایحه اینستیتوتونون باکی شعبه‌سین‌ده ترجمه‌چی ایشله‌ییب. ۱۹۶۳-جو ایلین یانوارین‌دا مصر عرب رسپوبلیکاسینا گؤندریله‌ن ابولفضل بی ۱۹۶۴-جو ایلین اوکیابرینا کیمی آسوان بندینین تیکینتی‌سینده ترجمه‌چی کیمی چالیشیب.

خاریجی اعزامیت‌دن دؤنه‌رک ۱۹۶۵-جی ایلده باکی دوولت اونورسیته‌تی‌نین آسپیرانتوراسینا داخیل اولوب و آسپیرانتورا تحصیلینی ۱۹۶۸-جی ایلده اوغورلا تماملاییب. "تولونیلر دؤولتی (۸۶۸-۹۰۵)" مؤوضوعسون‌دا دیسسرتاسییا مدافعه ائد‌رک تاریخ علملری نامیزدی عالیم‌لیک درجه‌سی آلیب (۱۹۶۹). باکی دوولت اونورسیتتینین "آسییا و آفریکا اؤلکه‌لری تاریخی" کافدراسین‌دا معلم و باش معلم ایشله‌ییب (۱۹۶۸-۱۹۷۵).

۱۹۷۵-جی ایلین یانوارین‌دا آذربایجان دؤولت تهلوکه‌سیزلیک کمیته‌سی اونو طلبه‌لر آراسین‌دا میللت‌چی و آنتی‌سووئت تبلیغاتی آپارماق آدییلا حبس ائدیب و ۱۷ ایول ۱۹۷۶-جی ایلدک سیاسی دوستاق اولاراق آزادلیق‌دان محروم اولونوب. اساساً قاراداغ داش کارخاناسین‌دا آغیر فیزیکی ایشلره محکوم ائدیلیب.

حبس‌دن بوراخیلدیقدان سونرا بیر مدت ایشسیز قالیب. ۱۹۷۶-جی ایلین دکابرین‌دا آکادمیانین الیازمالار اینستیتوتون‌دا کیچیک علمی ایشچی کیمی علمی فعالیته باشلاییب. سونرالار بؤیوک علمی ایشچی، شعبه مدیری، آپاریجی علمی ایشچی علمی روتبه و وظیفه‌لره قدر یوکسلیب