تهران‌لیلار ۶۴ میلیون تومن، غربی آذربایجان اهالی‌سی ایسه ۲۶ میلیون تومن گلیره صاحب اولوب.

ایران ایستاتیستیکا مرکزی بو یاخینلاردا ائو تصروفاتلارینین کئچن ایلکی گلیر و خرجلری حاقین‌دا حسابات یاییب.

عائله تصروفاتلارینین گلیر و خرجلرینی تحلیل ائتمک او باخیمدان واجیب‌دیر کی، سانکسییالارین گئری قایتاریلماسی ایله علاقدار اؤتن ایل ایران اقتصادیاتی اوچون چتین ایل اولوب.

اؤتن بیر ایلده تهران شهرده یاشایان ائو تصروفاتلارینین اورتا گلیری ۶۴ میلیون تومن اولوب کی، بو دا اونلاری اؤتن ایل اوچون اؤلکه‌نین بو باخیم‌دان ویلایتلری ایچریسین‌ده ایلک پیلله‌ده قرارلاشدیریب.

البرز و مازانداران شهر ائو تصروفاتلاری ۵۰ میلیون تومن و ۴۶.۱ میلیون تومن اورتا گلیر الده ائد‌رک مووافیق اولاراق سونراکی سیرالاردا یئر آلیبلار.

سون بیر ایلده ان آشاغی ایللیک گلیر غربی آذربایجان، سیستان- بلوچیستان و کرمان ویلایتلرین‌ده‌کی شهر ائو تصروفاتلارینین پایینا دوشوب کی، ۱۳۹۷-جی ایلده اونلار موافیق اولاراق ۲۶.۴، ۲۸.۴ و ۳۰ میلیون تومن اورتا گلیر الده ائدیبلر.