ایران‌دا فوتبول آزارکئشی ۲۹ یاش‌لی سحر خدایارینین اؤزونه قصد ائد‌رک اؤلمه‌سی بین الخالق فوتبول فدراسییاسی آسوسیاسییاسینین (فیفا) اعتراضینا سبب اولوب.

آخار. آذ خبر وئریر کی، فدراسییا رهبرلیگی ایران حکومتینه مکتوب یازاراق قادینلارین ایستادیونلارا بوراخیلماماسی حاقین‌دا قانونون آرادان قالدیریلماسینی طلب ائدیب. مکتوب‌دا بو قاداغا آرادان قالخماسا، ایرانین میللی فوتبول فدراسییاسینا قارشی سانکسییا تطبیق اولوناجاغی بیلدیریلیب.

خاطیرلاداق کی، جاری ایلین مارت آیین‌دا تهرانین «ایستیقلال» کومان‌داسینین اویونونو سئیر ائتمک اوچون «آزادی» ایستادیونونا داخیل اولماغا جهد ائد‌ن س. خدایاری حبس ائدیلمیشدی. گیروو مقابیلین‌ده آزادلیغا چیخان قادین آزارکش سنتیابرین ۱-ده دینی محکمه طرفین‌دن جزایا معروض قالدیغینی اؤیرندیکدن سونرا اؤزونو یاندیرمیشدی. خسته‌خانایا چاتدیریلان خودایاری حکیملرین سعیینه باخمایاراق سنتیابرین ۱۰-دا وفات ائدیب.

مسئله‌یه مناسیبت بیلدیره‌ن ایرانین حقوقی مسئله‌لر اوزره ویتسه-پرزیدنتی لیلا جونئیدی قید ائدیب کی، ایران‌دا قانون قادینلارین ایستادیونا گئتمه‌سینی قاداغان ائتمیر. او نظره چاتدیریب کی، پرزیدنت حسن روحانی بو پروبلمی حل ائتمک اوچون سعیلر گؤستریر.

مسئله‌نین ماهیتی اوندان عبارت‌دیر کی، ایران‌دا قادینلارین ایستادیونا گئتمه‌سی قانونلا قاداغان ائدیلمه‌ییب. لاکین دینی ائلیتا قادینلارین کیشیلرله بیرلیکده فوتبول اویونلارینی ایزله‌مه‌سینی حرام حساب ائدیر و بونو اونونلا اساسلاندیریرلار کی، فوتبول اویونونو ایزلیرکه‌ن حسلرینی ساخلایا بیلمه‌یه‌ن کیشیلر اموسییایا قاپیلیر و سؤیوش سؤیورلر. قادینلارین ایسه سؤیوش ائشیتمه‌سی ایسلام اخلاقینا ضیددیر. بونا گؤره ده قادینلار ایستادیونلارا بوراخیلمیر.