آنا صحیفه توپلوم |
سنتیابرین ۱۷-ده خاریجی ایشلر ناظیرلیینده (خین) آذربایجان رئسپوبلیکاسی ایله ایران ایسلام رسپوبلیکاسی آراسیندا خزر دنیزی مسئلهلری اوزره ایکیطرفلی مصلحتلشمهلر کئچیریلیب.
خاریجی ایشلر ناظیرلییندن وئریلهن معلوماتا اساساً، مصلحتلشمهلرده آذربایجان طرفینی خاریجی ایشلر ناظرینین معاوینی، آذربایجان رسپوبلیکاسی پرزیدنتینین سرحد و خزر دنیزی مسئلهلری اوزره خصوصی نمایندهسی خلف خلفوو، ایران طرفینی ایسه خاریجی ایشلر ناظیرلیینین باش ایداره رئیسی، ایران ایسلام رئسپوبلیکاسینین خزر دنیزی مسئلهلری اوزره خصوصی نمایندهسی رضا نظر آهاری تمثیل ائدیب.
گؤروش زامانی طرفلر، ایلک نؤوبهده، خزر دنیزینین دنیز اطراف موحیطینین محافظهسی حاقیندا چرچیوه کونوئنسییاسینین کاتیبلیینین تاسیس اولونماسی ایله علاقدار مسئله نی موذاکیره ائدرک کونونسییانین ثمرهلی تطبیقی باخیمیندان اونون کاتیبلیینین فعالیته باشلاماسینین ضروریلیینی وورغولاییب و کونونسییا طرفلرینین قارشیلیقلی آنلاشما اساسیندا بو ایستیقامتده تئزلیکله رازیلیغا گلمهسینین واجیبلیینی قید ائدیبلر. مصلحتلشمهلر چرچیوهسینده، همچینین خزر دنیزی مسئلهلری اوزره یوکسک سوییهلی ایشچی قروپون نؤوبتی ایجلاسینین تاریخی، ائلجه ده اونون گوندلیینه داخیل اولان مسئلهلر اوزره فیکیر مبادیلهسی آپاریلیب. گؤروشده هابئله طرفلر آراسیندا قارشیلیقلی ماراق کسب ائدن دیگر مؤوضوعلار دا موذاکیره اولونوب.
تاریخ
2019.09.18 / 12:11
|
مولف
Axar.az
|