آنا صحیفه توپلوم |
آذربایجان رسپوبلیکاسی نازیرلر کابینئتینین یانیندا اوپئراتیو قرارگاه آچیقلاما یاییب.
قرارگاهدان آخار. آز-آ داخیل اولان آچیقلامادا بیلدیریلیب کی، آذربایجان رسپوبلیکاسیندا ۷ یئنی کوروناویروس اینفکسییاسینا یولوخما فاکتی قیده آلینیب.
"حاضردا آذربایجاندا خصوصی رژیملی خستهخانالارا یئرلشدیریلهن و مشاهیده آلتیندا اولان ۶۱ نفر آکتیو کوروناویروس خستهسی حکیم نظارتی آلتیندادیر، اونلاردان ۳ نفرینین وضعیتی اورتا-آغیر قیمتلندیریلیر، دیگرلری ایسه اؤزلرینی نورمال حیس ائدیرلر، صحتلری ایستابیلدیر. پاسینتلرین معالیجهسی ایله باغلی ضروری تدبیرلر داوام ائتدیریلیر.
آذربایجاندا کوروناویروسا یولوخما حاللاری اؤلکهمیزه خاریجدن گلن شخصلر سیراسیندا و اؤلکه داخیلینده اینسانلارین بیر-بیرینی یولوخدورماسی فاکتلاری اوزره آشکارلانیر.
کوروناویروس اینفکسییاسینین یاییلماسینا یول وئرمهمک اوچون هر بیر شخص گیگیئنا قایدالارینا، عمومدونیا صحییه تشکیلاتینین، ناظیرلر کابینئتی یانیندا اوپئراتیو قرارگاهین طلب و توصیهلرینه جدی رعایت ائتمهلیدیر.
وطنداشلاردان اؤزونوتجرید تدبیرلرینه اویغون داورانماق، یالنیز جدی احتیاج یاراندیقدا ائودهن چیخماق، دیگر شخصلرله مینیموم کونتاکتدا اولماق، اینسانلارین سیخ توپلاشدیغی یئرلره گئتمهمک، مؤوجود پرئوئنتیو تدبیرلرین شرطلرینه جدی عمل ائتمک طلب اولونور"، - قرارگاهدان بیلدیریلیب.
تاریخ
2020.03.23 / 17:36
|
مولف
Axar.az
|