۳۱ دکابر - دونیا آذربایجان‌لیلارینین همرای‌لیگی گونو و یئنی ایل بایراملاری ایله علاقدار باکی شهرینین پارکلاری، میدان و کوچه‌لری ال-الوان بزدیلیب. پایتختیمیزدا یئنی ایل آتریبوتلاری، یولکالار و دیگر بایرام رمزلری قوراشدیریلیب.

Axar.az آذرتاج-ا ایستینادن خبر وئریر کی، پایتاخت‌دا علامتدار بایراملار مناسیبتیله خصوصی حاضرلیق و ترتیبات ایشلری حیاتا کئچیریلیب. شهرده اینسانلارین داها چوخ توپلاشدیغی مکانلاردا - فوواره‌لر میدانین‌دا، دنیزکناری بولواردا و ایچریشهرده اوولکی ایللردن فرق‌لی و گئنیش فورمادا خصوصی پروگرام اساسین‌دا بایرام حاضرلیقلاری گؤرولوب.

بولوار اراضی‌سین‌ده یئنی ایلین رمزلرین‌دن عبارت رنگارنگ کومپوزیسییالار، اوشاقلارین زوقونه اوخشایان چوخسایلی اویونجاق ائولر قورولوب.

بو ایل نفت‌چیلر و آذربایجان پروسپکتلرین‌ده (خیابانلاریندا)، یوسیف سفروو، نیازی، ایستیقلالیت کوچه‌لرین‌ده ده خصوصی بایرام ترتیباتی آپاریلیب. پایتاختیمیزدا ان بؤیوک یولکا «آزنفت» دایره‌سین‌ده‌دیر. اونون هوندورلویو ۲۰ متردیر. مرکزی پارکدا قوراشدیریلان ۱۶ مترلیک یولکا دا فرقلی ترتیباتی ایله گؤز اوخشاییر.

بوندان علاوه، اوشاقلارین معنالی استراحتینی تعمین ائتمک مقصدیله دنیزکناری ملی پارکین «کهنه بولوار» اراضی‌سین‌ده ایله‌نجه‌لی-موسیقی‌لی پروگراملار تشکیل اولونوب.

دولت کوکلا تئاترینین آرخاسین‌داکی اراضی‌ده چیلچراق‌لی خیزکلی مارال، رترو ماشین، هاوا ایله دولدورولموش اویونجاقلار همین اراضینین حوسنونه یئنی بیر گؤزللیک وئریر.

بونونلا یاناشی، دیسکوتکا، تاماشالار، کونسرت، ایشیق و آلوو شووسو دا نماییش اولونور.

دنیزکناری بولوار ایداره‌سینین تشکیل ائتدیی و ۲۰۲۳-جو ایل یانوارین ۸-دک داوام ائد‌جک یئنی ایل شن‌لیکلری پایتخت ساکینلرین‌ده و قوناقلاردا خوش اووقات اویادیر.

پایتاختیمیزین یئنی ایل گئجه‌سینین گؤرونتولرینی تقدیم ائدیریک: