تورکییه‌نین قهرمانماراش و اطراف ویلایتلرین‌ده باش وئرمیش داغیدیجی زلزله‌دن ضرر چکمیش آذربایجان رسپوبلیکاسی وطنداشلارینین معین ائدیلمه‌سی و اونلارا کؤمک‌لیک گؤستریلمه‌سی ایستیقامتین‌ده ایشلر داوام ائدیر.

Axar.az خبر وئریر کی، بو باره‌ده آذربایجان خاریجی ایشلر ناظرلیگی (خین) معلومات یاییب.

قید اولونوب کی، بو گونه قدر ۴۳۸ نفر آذربایجان رسپوبلیکاسی وطنداشی و اونلارین یاخین عائله عضولری اولان خاریجی اؤلکه وطنداشلاری زلزله بؤلگه‌سیندن آذربایجانا تخلییه اولونوب، اونلاردان ۵۸-ی آزیاشلی، ۲۰۹ نفر ایسه تورکییه‌ده تحصیل آلان آذربایجانلی طلبه‌لردیر. تخلییه پروسسی داوام ائتمک‌ده‌دیر.

قید اولونوب کی، آذربایجان رسپوبلیکاسینین تورکییه رسپوبلیکاسین‌داکی سفیرلیینین حیاتا کئچیردیی آراشدیرما نتیجه‌سینده حاقلارین‌دا معلومات آلینا بیلینمه‌یه‌ن ۴ آذربایجان وطنداشینین - سفروو فواد زیاد اوغلو، عسگروو حسنقولو الشاد اوغلو، قارایئو نجات زاور اوغلو و ولیئو ناماز آللاهوئردی اوغلونون مالاتیا گئری گؤندرمه مرکزین‌ده اولدوقلاری معین ائدیلیب. سفیرلیک امکداشلاری طرفین‌دن سؤزوگئدن آذربایجان وطنداشلاری ایله گؤروش کئچیریلیب. وطنداشلار صحتلرینین نورمال اولدوغونو بیلدیریبلر.

"بو گونه قدر ۵ نفر آذربایجان رسپوبلیکاسی وطنداشینین – ۱۹۸۰-جی ایل تولدلو بونیاتووا نایله آیدین قیزی، ۱۹۷۳-جو ایل توللودلو مممدووا (اؤکتن) رنا خوداوئردی قیزی، ۱۹۷۵-جی ایل تولدلو مممدووا سوینج ائلدار قیزی، ۱۹۷۶-جی ایل تولدلو کارلی لیلا واحد قیزینین و ۱۹۷۴-جو ایل تولدلو حسن‌زاده ایلاهه حسیناغا قیزینین وفاتی باره‌ده معلومات الده اولونوب. وفات ائد‌ن شخصلرین یاخینلاری ایله علاقه ساخلانیلیب. کارلی لیلا واحد قیزینین جنازه‌سی عائله‌سی طرفین‌دن تورکییه‌ده دفن ائدیله‌جک. دیگر ۴ نفرین جنازه‌سینین آذربایجانا گتیریلمه‌سی ایستیقامتین‌ده موافیق تدبیرلر گؤرولور. الله رحمت ائل‌سین!" -، معلوامت‌دا دئییلیر.