اؤتن گون باکیا گلمک اوچون یولا چیخان محمودعلی چهرگانلی آمریکا-دا تورک هوا یوللارینین طیاره‌سینه بوراخیلماییب.

بو باره‌ده Axar.az-آ محموده‌لی چهرگانلینین یاخینلاری معلومات وئریب.

بیلدیریلیب کی، اونون تورکیه‌یه گیریشی ده یاساق اولدوغو اوچون تورک هوا یوللاری ایله اوچماسینا ایزن وئریلمه‌ییب. چهرگانلییا دئییلیب کی، اونون تورکیه اراضیسیندن ترانزیت کیمی استفاده ائده بیلمه‌سی اوچون باکیدان رسمی دعوتینین اولماسی و اونو تقدیم ائتمه‌سی واجیبدیر.

بو سببدن چهرگانلی طیاره‌یه مینه بیلمه‌ییب و هوا لیمانیندان گئری قاییدیب.

قید ائدک کی، چهرگانلی ۱ مایدا باکیا گلجیینی بیلدیرمیشدی و طیاره بلیتی آلدیغینی دا نمایش ائتدیرمیشدی.