پاریس‌ده ایران خالق مجاهیدلری تشکیلاتینین کنفرانس‌یندا آذربایجانلی میللت وکیلی رازی نوروللایئو ده اشتراک ائدیب، مجاهیدلرین مؤقعلرینی جانی–دیلدن دستکله‌ییب. نوروللایئوین ایران خالق مجاهیدلری تشکیلاتی کنفرانس‌یندا اشتراکی گونئی‌لیلر طرفیندن بیرمعنالی قبول اولونماییب.

بیر میللت وکیلینین کنفرانس‌یندا اشتراک ائتدیی تشکیلاتین ماهیتی حاق‌دا معلوماتا مالیک اولماماسی ممکن دئییل. آنجاق کیمین هاردا اشتراک ائتمه‌سی و هانسی تشکیلاتا دستک وئرمه‌سی ده اونون حقوقودور. بونا گؤره رازی نوروللایئوه ایراد توتمورام. ساده‌جه، بو آددیمی قبول ائتمیرم.

کئچک، نوروللایئوین بوگونکو آچیقلاماسیندا بیلدیردیی دیگر مسئله‌لره…

گونئی آذربایجان سیاسی تشکیلاتلاری نوروللایئوین دئدیی کیمی ضعیف‌دیر. اما بونون سببلری ده بللیدیر. سوال اولونور، بو ضعیف تشکیلاتلارین گوجلندیریلمه‌سی اوچون رازی نوروللایئو نه ائدیب؟

بئله چیخیر کی، اؤز تشکیلاتلاریمیزی گوجلندیرمک عوضینه دوشمن، ائلجه ده ایدئولوگییاسی بیزی محو ائتمه‌یه یؤنه‌له‌ن تشکیلاتلارا دستک وئرملیییک؟

بیلیریک کی، بیر نئچه ایل اوله قدر آذربایجان دیاسپورو چوخ ضعیف و گوجسوز ایدی. آذربایجان دیاسپورونون اساسینی دا گونئی آذربایجانلیلار تشکیل ائدیردی. دیاسپور کمیته‌سی یارانمازدان اول، حتی اوندان سونرا دا گونئی‌لیلر آذربایجان دیاسپورونا بؤیوک امک وئریب. حیدر علیئو و ایلهام علیئوین دیاسپور نماینده‌لری ایله گؤروشلری و اونلارا دستیینی هئچ کیم اونوتماییب. ضعیف تشکیلاتلارا دولتیمیزین دستیی بو گون آذربایجان دیاسپورونون گوجله‌نمه‌سینه گتیریب چیخاریب. گوجله‌نمک‌ده هله ده داوام ائدیر. دولت باشچیلاریمیزین بو ایستیقامتده نه قدر سعی گؤستردیینی گؤردوک. یعنی ضعیفدیر دئیه، اؤز تالعینه بوراخمادیلار، «گوجلنیب گلرسینیز» دئمه‌دیلر. اما رازی بیین منطیقیله، بیزیم تشکیلاتلار ضعیف‌دیر دئیه، دوشمن تشکیلاتلارین کنفرانس‌یندا اشتراک ائتمه‌لی، اونلارین آنتی‌آذربایجان و ایرق‌چی سیاستینه دستک وئریلمه‌لیدیر!

خالق مجاهیدلری ایران داخیلینده اهالینین چوخو طرفیندن منفور تشکیلات ساییلیر. خاریج‌ده نیسبی گوجه مالیک تشکیلات ساییلماسینا باخمایاراق، داخیل‌ده هئچ بیر گوجه و تأثیر ایمکانلارینا مالیک دئییل. ائله شاه‌چیلارین طرفدارلاری دا عینی دورومدادیر. بو تشکیلاتی دستکله‌مک، اونون سیاسی کورسونو بیه‌نمک گونئی‌لیلرین هانسی پروبلمینی حل ائد‌جک؟

رازی نوروللایئو، باکی‌دا مینلرله گونئی‌لی یاشاییر، جدی پروبلملری ده وار، اما بیر دفعه ده اولسون اؤز پروبلملرینی دیله گتیرمه‌ییب و اعتراض سسلرینی قالدیرماییب کی، دولتیمیزین ایمیجینه خلل گتیریلمه‌سین. اونلار هامیسی سیزین اطرافینیزدادیر، بلکه ده هر گون گؤرورسونوز. ایندییه قدر هانسینا دستک وئرمیسینیز؟ ایندییه قدر نئچه گونی‌یلینین تحصیل آلماسی اوچون چابا گؤسترمیسینیز؟ پارلامنتده گونئی‌لیلرین هانسی پروبلمی ایله باغلی فعالیتلرینیز اولوب؟ اونلارین ضعیفلیینین آرادان قالدیریلماسی اوچون نلر ائتمیسینیز، نلره نایل اولموسونوز؟

بیلیرسینیز کی، گونئی‌لیلرین تشکیلاتلاری مادی جهتدن ضعیفدیر، تشکیلاتی مسئله‌لرینی یئرینه یئتیره بیلمیر، بؤیوک پوتنسیاللاری اولسا دا، اوندان ایستیفاده ائده بیلمیرلر. سیز بیر میللت وکیلی و سیاسی تشکیلات باشقانی اولاراق هان‌سی گونئی‌لی تشکیلاتا و یا گونئی‌لییه دستک وئرمیسینیز؟

سیز اؤز پارتییانیزی چوخ اؤنملی تشکیلات حساب ائدیرسینیز. مطبوع اورگانینیز وار، تشکیلاتینیزین قوروملاری و آیری-آیری بؤلمه‌لری فعالیت گؤستریر. بو، سیزین تشکیلاتین اؤز گوجودورمو؟ یوخسا آرخاسیندا دایانان گوجلو مالییه امکانلارینین؟ مالییه‌نیز ایکی آی دایانسا، نه تشکیلاتینیز قالار، نه مئدیا قورومونوز، نه ده سیاسی فعالیتینیز. بونو بیله-بیله کؤنوللو اولاراق فعالیت گؤسترن، بوتون حیاتینی میللی مسئله‌لره حصر ائد‌ن، عائله‌سینی، وارینی و بوتون امکانلارینی میللی مباریزه‌ده قویان اینسانلارا «ضعیف» دئمک نه قدر عدالتلیدیر؟

دئدیینیز او یوزلرله تشکیلاتین گوجله‌نمه‌سی اوچون چالیشماق یئرینه، بو تشکیلاتلاری اؤزونه دوشمن بیلن باشقا تشکیلاتی دستکله‌مک ده سیاسی ساوادسیزلیقدیر.

رازی بی، دئییرسینیز کی، دونیا گونئی تشکیلاتلارینی قبول ائتمیر. بونو هاردان چیخارتدینیز، بیلمیرم، اما گونئی تشکیلاتلاری و ضیالیلار دفعه‌لرله ب.ام.ت-ده و دیگر بین‌الخالق تشکیلاتلاردا اشتراک ائدیب، آذربایجانین و آذربایجانلیلارین حاقلارینی مدافعه ائدیب. ب.ام.ت-نین ایران اوزره حقوق مدافعه‌چیلری دفعه‌لرله گونئی‌لیلرله گؤروش کئچیریب، اونلارین ایران‌دا حاقلارینین پوزولدوغو ایله باغلی بیاناتلار حاضرلاییب. سیزین بونلاردان خبرینیز یوخدور، یقین!

کنفرانس‌یندا اشتراک ائتدیینیز ایران خالق مجاهیدلری تشکیلاتی آز قالا آذربایجان تشکیلاتلارینا یالواریر کی، اونلارلا بیرلیکده اولسونلار، میللی کسیمی اؤز اطرافینا توپلاسینلار. بو، بیزیم تشکیلاتلاردیر کی، اونلاری بینمیر. اونا گؤره بینمیر کی، خالق مجاهیدلری تشکیلاتی آذربایجان‌لیلارین هئچ بیر حقوقونو رسمی شکیلده تانیماق ایستمیر، آذربایجانلیلاری «آذری» حساب ائدیر.

بیلدیرمک ایستییرم کی، گونئی آذربایجانلیلار ایستر داخیلده، ایستر خاریج‌ده «آزادلیق، عدالت، میللی حکومت» شعاری آلتیندا بیرلشیر و بونو اؤز مباریزه‌لرینین اساس هدفی سئچیب.

و سون اولاراق سیزدن خواهیشیم: گونئیی بیلمه‌دن، گونی‌ین هانسی پروسس ایچینده اولدوغونو آراشدیرمادان، بو حاق‌دا دانیشمایین، دوشمن دییرمانینا سو تؤکمیین!