روس صلح‌مراملیلاری قاراباغدا اؤز فونکسییالارینی یئرینه یئتیریرلر، اونلار اوچون تهدید یوخدور.

Axar.az خبر وئریر کی، بونو کرملین مطبوعات کاتبی دمیتری پسکوو ژورنالسیتلره دئییب.

"صلح‌مراملیلار اؤز فونکسییالارینی یئرینه یئتیریر، لاکن وضعیت مرکب اولاراق قالیر. هله کی، صلح‌مراملیلاریمیزین حیاتی اوچون تهدید اولدوغونا دایر معلوماتا مالک دئییلیک"، - پسکوو دئییب.

خاطیرلاداق کی، سنتیابرین ۱۹-دا آذربایجان رسپوبلیکاسینین کونستیتوسییا قورولوشونون برپا ائدیلمه‌سی مقصدیله بؤلگه‌ده لوکال کاراکترلی آنتی‌ترور تدبیرلرینه باشلانیلیب.

اوچ‌طرفلی بیاناتین مدعالارینین تامین اولونماسی، قاراباغ اقتصادی رایونوندا تؤره‌دیلن گئنیش‌مقیاسلی تخریباتلارین قارشی‌سینین آلینماسی، ارمنیستان سلاح‌لی قوه‌لرینین بیرلشمه‌لرینین ترک‌سلاح ائدیله‌رک اراضیلریمیزدن چیخاریلماسی، اونلارین حربی اینفراستروکتورونون ضررسیزلشدیریلمه‌سی، اشغالدان آزاد ائدیلمیش اراضیلره قاییدان دینج اهالی، هابئله برپا-قوروجولوق ایشلرینه جلب اولونموش مولکی ایشچیلر و حربی قوللوقچولاریمیزین تهلوکه‌سیزلیینین تامین اولونماسی و آذربایجان رسپوبلیکاسینین کونستیتوسییا قورولوشونون برپا ائدیلمه‌سی مقصدیله بؤلگه‌ده لوکال کاراکترلی آنتی‌ترور تدبیرلرینه باشلانیلیب.

تدبیرلر چرچیوه‌سینده ارمنیستان سلاح‌لی قوه‌لرینین بیرلشمه‌لرینین اؤن خط و درینلیکده اولان مؤقعلری و اوزون‌مدتلی آتش نقطه‌لری، ائلجه ده دؤیوش واسطه‌لری و حربی تعییناتلی اوبیکتلری یوکسک دقیقلیکلی سلاحلارین تطبیقی ایله سیرادان چیخاریلیر. ملکی اهالی و اینفراستروکتور اوبیکتلری هدفه آلینمیر، یالنیز لگیتیم حربی هدفلر سیرادان چیخاریلیر.