«فوربس» ژورنالی آذربایجان دولت تهلوکه‌سیزلیک خدمتی طرفیندن حبس ائدیلن روسیالی میلیاردر روبن واردانیانین اشتراکی ایله ایرواندا و قاراباغ‌دا گؤرولن خیرییه ایشلرینین سیاهی‌سینی یاییب.

Axar.az خبر وئریر کی، ایلک نوبه‌ده ۲۰۲۲-جی ایلده اونون تشببوسو ایله قاراباغ‌دا یارادیلان «بیز و بیزیم داغلار» «اراضی انکشافی آگنتلیی»ند‌ن بحث اولونور.

«آگنتلیک» واسطه‌سیله روبنین عائله‌سینین وسائطی و دونورلارین عیانه‌لری حسابینا (تخمیناً ۴۵۰ مین دلار) ۱۸۷ تندان چوخ ارزاق آلیناراق قاراباغ ساکنلرینه پایلانیب. ۱۸۷ مین دلارا ایسه سو تجهیزاتی و ایستی‌لیک سیستملری آلینیب. کند ساکنلری اوچون موبیل ایلکین طبی یاردیم گروپلارینین یارادیلماسینا، او جمله‌دن الکتریک نقلیات واسطه‌لرینین آلینماسینا تخمیناً ۱۱۰ مین دلار خرجلنیب. ۱۷۲ مین دلار ایسه ۱۰ یاشیندان کیچیک ۱۲ مین اوشاق اوچون یئنی ایل هدیه‌لرینین آلینماسینا یؤنلدیلیب.

روبنین تاسیس ائتدیی ایدئا فوندونون معلوماتا گؤره، اونون عائله‌سی و طرفداشلاری ۲۰۰۱-جی ایلدن ۲۰۲۳-جو ایله قدر ارمنیستانا، قاراباغا و سایر ۷۰۰ میلیون دلاردان چوخ سرمایه قویوبلار»، - معلوماتدا دئییلیر.

قید اولونور کی، ایروانین اقتصادی انکشافینا اینوستیسییالاردان علاوه، تحصیله (۲۰۲ میلیون دلار)، هومانیتار تشببوسلره (۶۸ میلیون دلار)، مدنیت و تاریخی-مدنی ارثین قورونماسی ساحه‌سینده لایحه‌لره (۲۰ میلیون دلار)، توریزم، شهرسالما و اینفراستروکتور ساحه‌سینده لایحه‌لر واسطه‌سیله رگیونال انکشافا (۱۰۸ میلیون دلار)، علم ساحه‌سینده لایحه‌لر و تخنولوگییا، صحیه، ائلجه ده آگروکولوگیایا (۱۳ میلیون دلار) یاتیریم ائدیلیب:

«واردانیان قاراباغ‌دا مختلف لایحه‌لره ۸ میلیون دلار سرمایه قویوب. او، قاراباغا کؤچمزدن خیلی اول یاتیریم ائتمه‌یه باشلاییب. ۲۰۰۸-جی ایلده «بؤیوک آرتساخ تویو» لایحه‌سی حیاتا کئچیریلیب و عینی واختدا ۷۰۰-ا یاخین جوتلوک ائولندیریلیب. واردانیانین اشتراکی ایله ۲۰۱۷-جی ایلده موشکاپات کندینده‌کی مقدس مریم کلیسه‌سی، ۲۰۱۹-جو ایلده ایسه شوشا شهرینده‌کی گؤوهر آغا مسجدینین برپاسی باشا چاتدیریلیب.

بین‌الخالق «UWC Dilijan» مکتبینه عمومی ۱۹۰ میلیون دلار (بونون ۱۸۰ میلیون دلارینی واردانیانین عائله‌سی، ۱۰ میلیون دلارینی ۳۵۰-یه یاخین شخص و تشکیلات یاتیریب) خرجلنیب. سؤزوگئدن بین‌الخالق اینترنات مکتبی ۲۰۱۴-جو ایلده یارادیلیب. «تاتوین انتباهینا» ایسه عمومی اولاراق ۳۴ میلیون دلار خرجلنیب. لایحه‌یه خیرییه اینوستیسییالارینین مبلغی، واردانیانین عائله‌سینین وسائطلری و ۱۱ اؤلکه‌دن ۱۶۰-دان چوخ دونور جلب اولونوب. «آورورا» مکافاتینا عمومی خرجلرین مبلغی ۶۸ میلیون دلارا (خیریه‌چیلرین وسائطی، او جمله‌دن واردانیانین عائله‌سینین پولو) چاتیب. هومانیتار تشببوسه ۲۰۱۵-جی ایلده باشلانیلیب.

«ماتنا» بین‌الخالق لیدرلیک و پئشکار انکشاف مکتبینه ایسه عمومی اولاراق ۳۵۰ مین دلار خرجلنیب. لایحه‌نین تاسیسچیلرینین آدی آچیقلانمیر، واردانیانین عائله‌سی مبلغین یالنیز بیر حصه‌سینی وئریب. مکتب ۲۰۲۱-جی ایلده تاسیس ائدیلیب، باش اوفیسی ایرواندا یئرلشیر».