ایوردانییادا ایرانین بالستیک راکتلرینین قالیقلاری اونلاین آلقی-ساتقی سایتیندا ساتیشا چیخاریلیب.

Axar.az خبر وئریر کی، بو باره‌ده تلگرام کاناللاری «العربیه» سایتینا ایستینادا خبر وئریب.

سایتین یازدیغینا گؤره، ایوردانییا وطنداشلاری ایرانین اسرائیله هوا هجوملاریندان سونرا بو اؤلکه‌نین الحسا، مرج الحمام و کاراک شهرلرینه دوشن بالستیک راکتلرین قالیقلارینی اونلاین آلقی-ساتقی سایتیندا مختلف قیمتلرله ساتیشا چیخاریبلار.

معلوماتا گؤره، ایوردانییالیلار بو اؤلکه‌ده آوتومبیل، داشینماز املاک و بوتون نوع ماللارین آلقی-ساتیسی ایله مشغول اولان مشهور «السووق المفتوح» سایتین‌دا ایرانین بالستیک راکتلرینین قالیقلارینین چکیسی، قطع ائتدیی مسافه، سرعتی، مدلی، رنگی و دیگر خصوصیتلری ایله بیرلیکده شکیللرینی یئرلشدیریبلر.

اعلانلاردا«ایرانین آشاغی تأثیرلی ایکینجی ال بالستیک راکتی ساتیلیر» ، «کردیتله وئریلیر»باشلیغی ایله شکیللر پایلاشیلیب. بعضی اعلانلاردا ایسه راکتین قالیقلاری نادیر مال کیمی نقد اؤدنیشله ساتیشا قویولوب.