تهران حکومتینین مدیا و مدیا نماینده‌لرینه قارشی تضییقلری آرتیب.

Axar.az خبر وئریر کی، بو باره‌ده انسان حاقلاری تشکیلاتلاری معلومات یاییب.

بو قبیلدن اولان تضییقلر چرچیوه‌سینده یاشار سلطانی و حسین دهباشی آدلی ژورنالیستلره قارشی جنایت ایشی آچیلیب.

یاشار سلطانی اداره ائتدیی «اسکان نیوز» تلگرام کانالیندا ایرانین اسرائیله هجوموندان سونرا اؤلکه‌ده دلارین تومن قارشی‌سیندا باهالاشدیغی باره‌ده معلومات یایدیغی اوچون جنایت مسئولیتینه جلب اولونوب.

حسین دهباشی ایسه ایکس صفحه‌سینده ایرانین اسرائیله هجومونو «اوغورسوز نمایش» آدلاندیریب:

«بو، اؤلکه‌نین رئال مدافعه گوجو ایله باغلی ناراحاتلیقلاری آرتیردی»،- دهباشی بیلدیریب.

قید ائدک کی، عینی سببله «اعتماد»، «جهان صنعت» قزئتلری و ژورنالیست عباس عبدی باره‌ده ده جنایت ایشی آچیلیب.