آرگنتینا حکومتی ۱۹۹۴-جو ایلده بوینوس-آیرس‌ده یهودی مدنیت مرکزینده تؤره‌دیله‌ن ترور آکتیندا ایرانین داخلی ایشلر ناظری احمد وحیدی‌نین مسئولیت داشیدیغینی بیلدیره‌رک، اونون حبسینی طلب ائدیر.

Axar.az خبر وئریر کی، بو باره‌ده آرگنتینانین خاریجی ایشلر ناظرلییی معلومات یاییب.

«آرگنتینا ۱۹۹۴-جو ایلده یهودی مدنیت مرکزینده (آمیا) ۸۵ نفرین اؤلومونه سبب اولان هجوما گؤره مسئولیت داشییانلارین بین‌الخالق حبس‌ینی طلب ائدیر، اونلار ایسه تام جزاسیز اولاراق رهبر وظیفه‌لرینی توتماق‌دا داوام ائدیرلر. اونلاردان بیری ده آختاریشدا اولان احمد وحیدی‌دیر"،- معلومات‌دا بیلدیریلیب.

قید ائدیلیر کی، ۱۸ ایون ۱۹۹۴-جو ایلده آرگنتینانین پایتاختین‌دا ایرانا باغلی ترورچولار یهودیلرین یاردیملاشما مرکزی بیناسینا بومبا قویاراق ۸۵ یهودینین اؤلومونه، ۳۰۰-دن چوخ یهودینین یارالانماسینا سبب اولوبلار. یهودیلرین یاردیملاشما مرکزی بیناسینا هجومون سببکارلاریندان بیری اولان وحیدی ایسه حاضردا ایران اسلام رسپوبلیکاسینین داخیلی ایشلر ناظری اولماقلا یاناشی، هم ده پاکستان و سریلانکادا سفرده اولان حکومت نماینده هئیتینین عضوودور. آرگنتینا پاکستان و سریلانکا حکومتلریندن اونون اینترپولون تکلیف ائتدیی مکانیزملره اویغون اولاراق حبسینی خواهیش ائدیب.