آمریکا ایونون ۲۵-ده ایران اسلام رسپوبلیکاسینین حربی قوه‌لرینه میلیاردلارلا دلار وسایتین کؤچورولمه‌سینده اشتراک ائتدیکلرینه گؤره ۵۰-یه یاخین شخص و تشکیلاتا سانکسییا تطبیق ائدیب.

Axar.az خبر وئریر کی، بو باره‌ده آمریکا مالییه ناظرلییی معلومات یاییب.

بیلدیریلیب کی، بو شخصلر و قوروملار اسلام انقلابی کشیکچیلری کورپوسونون، ائلجه ده ایران سلاحلی قوه‌لرینین مدافعه ناظرلیینین استفاده ائتدیی «کؤلگه بانک شبکه‌سی» یارادیبلار.

«بو بانک شبکه‌سی سپاه و مدافعه ناظرلیینه بین‌الخالق مالیه سیستمینه چیخیش تعمین ائدیب. ایکی قوروم دا ۲۰۲۰-جی ایلده‌ن بری نفت و نفت-کیمیا محصوللارینین ساتیشی ایله الده ائتدیی میلیاردلارلا دلار وسایتین کؤچورولمه‌سینه یاردیمچی اولوب»،- معلوماتدا بیلدیریلیب.

آمریکا مالییه ناظرلیینین معلوماتینا گؤره، انقلاب کشیک‌چیلری و مدافعه ناظرلییی اؤز گلیرلرینی ایرانین مبادیله شبکه‌لری و خاریجی اؤرتوک شیرکتلری واسطه‌سیله یمن حوثیلری ده داخیل اولماقلا، اسلام رسپوبلیکاسینین رگیون‌داکی پروکسی گروپلارینا مالیه دستیی و سلاح-سورسات اوچون خرجله‌ییبلر.

ناظرلیک بیاناتینین سونوندا انقلاب کشیک‌چیلری کورپوسو و اسلام رسپوبلیکاسینین مدافعه ناظرلیینین اؤز گلیرلریندن روسیایا پیلوتسوز طیاره‌لر اؤتورمک اوچون استفاده ائدیینی وورغولاییب.