تورکیه، آذربایجان، ازبکستان، قطر و پاکستان حربی بیرلیکلری بیرگه حرکت ائتمه‌یه حاضیردیرلار.

Axar.az خبر وئریر کی، بونو قازاخستان مدافعه ناظری روسلان ژاکسیلیکوو اؤلکه‌سینده آذربایجان، قازاخستان، تورکیه، پاکستان، قطر و ازبکستان خصوصی تعیینات‌لیلارینین اشتراکی ایله کئچیریلن "سونسوز قارداشلیق - III" چوخ‌میللتلی تعلیمی باره‌ده دانیشارکن دئییب.

«اورتاق عملیات نتیجه‌سینده گؤردوک کی، آدی چکیلن اؤلکه‌لرین حربی بیرلشمه‌لری بیرگه حرکت ائده بیلرلر. تعلیملر بیر داها بونو گؤستردی»، - ناظر بیلدیریب.

او، همچینین قید ائدیب کی، خصوصیله ترور تهدیدینه قارشی بیرگه سعیلر داها دا گوجلندیریلیر.

قید ائدک کی، "سونسوز قارداشلیق - III" چوخ‌میللتلی تعلیمی سنتیابرین ۱۲-ده باشلاییب و ۱۰ گون داوام ائدیب.