آغ ائوین ملی تهلوکه‌سیزلیک مشاویری جیک ساللیوان پرزیدنت جو بایدنه آمریکانین ایرانین نووه اوبیکتلرینه ممکن هجوم واریانتلارینی تقدیم ائدیب.

Axar.az خبر وئریر کی، بونو «آخیوس» اوچ معلوماتلی منبع‌یه استنادا یازیب.

بایدنین آدی آچیقلانمایان کمک‌چیلرینه، او جمله‌دن ساللیوانا استنادن آمریکا مئدیاسی یازیر کی، سوریادان سونرا بوتون آسپکتلرده ضعیفله‌یه‌ن ایران نووه حاضرلیغینی سرعتلندیره بیلر و بو، اونون نووه اوبیکتلرینه جواب تدبیرلری اوچون الوئریشلی امکان یارادیر.

همچینین هجومون نیه ۲۰ یانوار – ترامپین آندیچمه مراسیمینه قدر - تاریخینه‌دک اولماسی ایله باغلی ایکی وئرسییا اوزرینده مذاکره‌لر گئدیر: بیرینجی‌سی، بایدن آدمینیستراسییاسی ترامپین ایرانلا دیالوگا باشلاماق نیتینده اولدوغونو اؤیرنیب و یئنی پرزیدنتین ممکن دیپلماتیک سعیلرینی چتینلشدیرمک اوچون ایرانا ضربه ائندیرمک و یا جدی تخریبات تؤرتمک پلانینی احتیاط‌دا ساخلاییر؛ ایکینجی‌سی، یانواردا روسیا و ایران آراسیندا ایستراتژی امکداشلیق سازیشی امضالاناجاق، بو دا آمریکا طرفین‌دن سرت مقاومتله قارشی‌لانیر. آمریکانین ایران اوزره خصوصی نماینده‌سی روبرت مالی بو پروسسی پوزماق نیتین‌ده اولدوقلارینی بیان ائدیب. بونا گؤره ده بایدنین اطرافیندا پرواوکاسیالارا تکان وئره‌ن قوه‌لرین اولماسی استثنا ائدیلمیر. لاکین بایدن هله ده ایرانین نووه اوبیکتلرینه ضربه وورماغی «بؤیوک ریسک» حساب ائتدیی اوچون قرار قبول ائتمه‌ییب.

بونونلا بئله، بایدنین پرزیدنت‌لیک مدتینین قالان گونلرینده فوق‌العاده حادثه‌لرین باش وئرمه‌سی استثنا ائدیلمیر.