بو گون خالق شاعری زلیمخان یعقوبون وفاتین‌دان ۹ ایل اؤتور.

Kult.az خبر وئریر کی، زلیمخان یعقوب ۱۹۵۰-جی ایل یانوارین ۲۱-ده گورجستانین بولنی‌سی رایونونون کپنک‌چی کندینده آنادان اولوب.

اورتا مکتبی همین کندده بیتیردیکدن سونرا باکی دولت اونیورسیتتینین کیتابخاناچیلیق فاکولته‌سینده تحصیل آلیب. ادبی فعالیتینه ۱۹۶۶-جی ایلده «غلبه بایراغی» رایون قزئتین‌ده «شوتا روستاولی» آدلی ایلک شعری ایله باشلاییب. ائله او واختدان فعال یارادیجی‌لیقلا مشغول اولوب. حاق وئردیئو آدینا آغدام درام تئاترین‌دا «آشیق علسگر» آدلی منظوم پیئ‌سی تماشایا قویولوب.

۱۹۷۳-جو ایلده‌ن ۱۹۷۸-جی ایله قدر "آذرکیتاب" سیستمین‌ده، "کتاب پاساژی" آدلی کیتاب دوکانیندا ساتیجی، باش ساتیجی، شعبه مدیری، ۱۹۷۵-جی ایلده‌ن ۱۹۸۵-جی ایله قدر آذربایجان کؤنوللو کیتاب سئورلر جمعیتینین تبلیغات شعبه‌سین‌ده رداکتور، شعبه مدیری، ۱۹۸۷-جی ایلده‌ن ۱۹۹۴-جو ایله قدر "یازیچی" نشریاتین‌دا پوئزییا شعبه‌سین‌ده رداکتور، شعبه مدیری وظیفه‌لرینده چالیشیب.

۱۹۹۵-۲۰۰۵-جی ایللرده آذربایجان رسپوبلیکاسینین ملی مجلیسینین ملت وکیلی اولوب. ۲۰۰۸-جی ایل آوگوست آیینین ۲۹-دا آذربایجان آشیقلارینین ۵-جی قورولتایین‌دا آذربایجان آشیقلار بیرلیینین صدری سئچیلیب. مختلف دیللره ترجمه ائدیلمیش ۴۰-آ قدر شعیر کیتابینین مؤلفی‌دیر.

آذربایجان ادبیاتی قارشی‌سیندا بؤیوک خدمتلرینه، گئنیش اجتماعی فعالیتینه گؤره ۵۰ یاشین‌دا آذربایجانین «شهرت»، گرجستانین «شرف» اوردنلری ایله تلطیف اولونوب. ۵۵ یاشیندا آذربایجانین ان یوکسک فخری آدینا - «خالق شاعری» آدینا لاییق گؤرولوب. آنادان اولماسینین ۶۰ ایللیک یوبیلیی عرفه‌سین‌ده ایسه آذربایجان پرزیدنتینین سرانجامی ایله «شرف» اوردنی ایله تلطیف ائدیلیب.

زلیمخان یعقوب اوزون مدت بؤیرک چاتیشمازلیغیندان اذیت چکیب. او، ۲۰۱۶-جی ایل یانوارین ۹-دا دنیاسینی دییشیب و باکی‌دا بیرینجی فخری خیاباندا دفن اولونوب.

چاغداش آذربایجان پویزییاسین‌دا اؤزونه‌مخصوص یئری، پویتیک نفسی اولان، آذربایجان ادبیاتینا آدینی ابدی حک ائد‌ن، ابدی‌یاشارلیق قازانان زلیمخان یعقوب هر زمان بؤیوک سئوگی و احتیراملا آنیلاجاق.

آنا اوریی

بلکه اورییمه بیر خیری دیدی،

بیر آز کورییمی اوووشدور، آنا!

کئچیر گئجه‌لرین قارانلیغیندان،

منی صاباحیما قوووشدور، آنا!

بلکه ده صاباحین اسن یئللری،

قلبیمه راحتلیق گتیره بیل دی.

آغیر محنتی‌می، آجی دردی می،

داغلارین دالینا اؤتوره بیلدی.

اولاد دنیاسینین اودو، ایستی‌سی،

الله تک سئو دیی قادیندان کئچیر.

اوغولون نه قدر دردیسری وار،

آنا اوریینین اودوندان کئچیر.