خبر وئردییمیز کیمی، ایران حکومتی آذربایجان–ایران سرحدیندن آوتوموبیل ایدخالینین گئنیشلندیریلمه‌سی باره‌ده قرار قبول ائدیب. معلوماتا گؤره، بو آددیم اؤلکه‌ده آوتوموبیل ادخالینا قویولان بعضی شرطی محدودیتلرین یومشالدیلماسی و خارجی آوتوموبیللره آرتان طلبات فونوندا آتیلیب.

مسئله‌نین ماهیتی ندیر؟ گرجستانلا قطار نقلیاتینین برپاسیندان سونرا روسیا و ایرانلا دا سرحدلرین معین قدر آچیلاجاغی گؤزلنیلیرمی؟

Axar.az خبر وئریر کی، اقتصادچی ناطیق جعفرلی آذربایجانین قورو سرحدلرینین آچیلماسی استقامتین‌ده تدریجاً آددیملار آتیلاجاغینی بیلدیریب.

«بونون باشقا یولو یوخدور. چونکی آذربایجان بین‌الخالق مناسبتلرین ترکیبین‌ده اولان بیر اؤلکه‌دیر. قرارلاری و هانسی آددیملارین آتیلاجاغینی دا اؤزو معین ائدیر. بو ایل عرضینده ایران و روسیا ایله قورو سرحدلرین آچیلماسی مسئله‌سی ده اؤز حلینی تاپا بیلر. سؤزوگئدن پروسئسین مرحله‌لی شکیل‌ده حیاتا کئچیریلجیی گؤزلنیلیر»، - او دئییب.

اقتصادچی بیلدیریب کی، آرتیق بو استقامت‌ده ایلکین آددیملار آتیلیر:

«گرجستانلا دمیر یولو فعالیته باشلاییر، بیر مدتدن سونرا قورو یوللار دا آچیلا بیلر. بو ایلین سونونا قدر گرجستانلا قورو سرحدلرین تام آچیلماسی ممکن‌دور. بورادا معین قایدالارین تطبیقی ده استثنا دئییل. مثلاً، سای محدودیتلرینین تطبیقی، نظارت سیستملرینین یارادیلماسی و سایر. هر بیر حال‌دا قورو سرحدلرین آچیلماسی بیر چوخ ساحه‌لرده - اؤلکه‌میزین ایمیجی، توریزم و اقتصادیات اوچون چوخ واجیب‌دیر».