ایران و آذربایجان رسپوبلیکاسینین خالقی آراسین‌دا علاقه‌لر مین ایل‌لیکلری احاطه ائد‌ن درین دوستلوقلارا اساس‌لانیر.

Axar.az خبر وئریر کی، بونو ایران پرزیدنتی مسعود پزشکیان باکی‌یا سفری عرفه‌سین‌ده دئییب.

ایران مئدیاسینین وئردیی معلوماتا گؤره، بو گون ایران پرزیدنتی مسعود پزشکیانین صدرلییی ایله ایران و آذربایجان رسپوبلیکاسی آراسیندا عمومی مسئله‌لر اوزره یکون کوردیناسیا و باخیش اجلاسی کئچیریلیب.

"آذربایجان رسپوبلیکاسی و ایران عینی بدنین حیصه‌لری‌دیر و سرحدین هر ایکی طرفین‌ده‌کی خالقلارین بیر-بیری ایله گئنیش قارشی‌لیقلی ماراقلاری، درین و مین ایل‌لیکلری احاطه ائد‌ن دوستلوق تمللری وار"،- ایران پرزیدنتی علاوه ائدیب.

گؤروش‌ده ایکی اؤلکه آراسین‌داکی مناسبتلرده‌کی بعضی آنلاشیلمازلیقلارین و پروبلملرین حلی ایله باغلی وئریلن ایضاهاتلارا توخونان پزشکیان، ایکی اؤلکه و ایکی خالق آراسیندا قارشیلیق‌لی علاقه‌لرین ساحه‌لری و امکانلارینین چوخ گئنیش، درین و چوخشاخه‌لی اولدوغونا دقت چکیب.

پرزیدنت موجود مناسبتلرین برپاسی پروسسینین داوام ائتمه‌سی ایله بو علاقه‌لرین سرعتله آرتماسینین، جدی سویه‌ده یوکسلیشینین و امکداشلیغینین انکشافینین شاهدی اولاجاغینی دئییب:

"مصلحتلشمه‌لری و گؤرولن حاضرلیقلاری نظره آلاراق، بو سفر اقتصادی، تجارت، مدنیت، توریزم و سیاسی ساحه‌لرده حکومت، اؤزل و دولت سکتورلاری آراسیندا علاقه‌لرین درینلشدیریلمه‌سی و امکداشلیغین گئنیشلندیریلمه‌سی پروسسینی اهمیتلی درجه‌ده آسانلاشدیراجاق و سرعتلندیره‌جک".