آذ ت.و عموم‌میللی لیدر حیدر علیئوله باغلی نادر کادرلار نمایش ائتدیریب.

Axar.az خبر وئریر کی، ایلک دفعه‌دیر گؤستریله‌ن گؤرونتولر اولو اؤندرین ویتناما سفری زمانی لنته آلینیب.

آذ ت.و صدری روشن ممدوون مؤلفی اولدوغو "هفته" آنالیتیک-اینفورماسییا پروگرامینین مایین ۱۱-ده ائفیره گئدن بوراخیلیشیندا قید اولونوب کی، هفته‌نین مهم حادثه‌لریندن بیری ویتنام سوسیالیست رسپوبلیکاسی کمونیست پارتییاسی مرکزی کمیته‌سینین باش کاتبی تو لامین آذربایجانا دولت سفری اولدو.

بیلدیریلیب کی، آذربایجان و ویتنام آراسین‌دا دوستلوق مناسبتلرینین تاریخی ۶۰ ایلدن آرتیق بیر مدته سؤیکنیر:

"هله ۱۹۵۹-جو ایلده ویتنام دموکراتیک رسپوبلیکاسینین پرزیدنتی هو شی مین آذربایجان سووئت رسپوبلیکاسینا سفر ائدیب. آذربایجانین عموم‌میللی لیدری حیدر علیئو ایسه ۱۹۸۳-جو ایلده ویتنام‌دا سفرده اولوب. شبهه‌سیز، بو ایکی مهم حادثه اؤلکه‌لریمیز آراسین‌دا امکداشلیغین انکشافینین اساس تملی ساییلیر. پرزیدنت ایلهام علیئوین ۲۰۱۴-جو ایلده هانویا، ویتنام پرزیدنتی چیونگ تان شانگین ۲۰۱۵-جی ایلده باکییا رسمی سفرلری ایسه قارشی‌لیقلی مناسبتلرده یئنی صفحه آچدی. حاضردا آذربایجان و ویتنام بیر سیرا استقامتلرده - سیاسی، اقتصادی، تجاری، علمی-تکنیکی و نقلیات ساحه‌لرینده فعال امکداشلیق ائدیر. طبیعی، لیدرلرین ایندیکی گؤروشو قارشی‌داکی دؤور اوچون آذربایجان-ویتنام گوندلیینین فورمالاشماسین‌دا اهمیتلی رول اوینایاجاق".

اولو اؤندر حیدر علیئوین ۴۲ ایل اول ویتناما سفری ایله باغلی کادرلاری تقدیم ائدیریک.