اورمییا گؤلو بو گونه کیمی میثلی گؤرونمه‌میش قوراقلیق و آجیناجاقلی دؤورونو یاشاییر.

Axar.az خبر وئریر کی، بو باره‌ده تبریز مئدیاسی معلومات یاییب.

بیلدیریلیب کی، بوندان اوولکی دؤورلرین مای آیین‌دا گؤلون سو و ساحه‌سینین بو سوییه‌ده آزالماسی قیده آلینماییب.

قید ائدک کی، آپریل آیین‌دا یاییلان معلوماتا گؤره، گؤل‌ده اکولوژی پروبلئم داوام ائدیر و سون موسیمی یاغیشلارا باخمایاراق، حاضردا اورمییا گؤلن‌ده اولان سو حجمی ۱ میلیارد ۳۴۰ میلیون کوبمتردیر.

بونونلا یاناشی گؤل‌ده سویون سوییه‌سینین ۱۲۷۰،۲۸، گؤلون ساحه‌سینین ایسه ۱۱۴۰ کوادرات کیلومتر اولدوغو بیلدیریلیب.

اورمییا گؤلونون مینیموم ائولوژی سو حجمی ۱۵ میلیارد کوبمتر، ماکسیموم اکولوژی سو حجمی ایسه ۳۰ میلیارد کوبمتر، مینیموم اکولوژی ساحه‌سی ایسه ۴۶۳۵ کوادرات کیلومتر اولمالی‌دیر.