بورجلر انسان کاراکترینده‌کی بیر چوخ دتالی آیدینلاتماغا کمک ائدیر. خصوصیله سئوگی مناسبتلرینده بورجلرین تأثیری دانیلمازدیر. بعضی بورجلر وار کی، اونلار اوچون سئوگی ایله قیسقانج‌لیق عینی معنانی وئریر.

Axar.az زودیاکین «قیسقانجلیق کراللاری» ساییلان بورجلری تقدیم ائدیر.

عقرب

عقرب بورجو دئدیکده ایلک آغلا گلن خصوصیتلردن بیری محض قیسقانج‌لیقدیر. بو انسانلار سئودیکلری زمان تام شکل‌ده باغلانیرلار. اما بو باغلیلیق بعضاً بوغوجو درجه‌یه چاتا بیلر. عقربلر پارتنیورونون کیمله دانیشدیغینی، نیه گئج جواب وئردیینی، نیه گولدویونو بئله سورغو-سوالا چکه بیلر. اونلار اوچون سئوگی صاحبله‌نمک دئمکدیر. اگر اونلاری آلداتماغا چالیش‌سانیز، انتقام حسی ایله آلیشیب-یانا بیلرلر. عقربین قیسقانج‌لیغی ساکت و سس‌سیز گؤرونه بیلر، اما ایچین‌ده ولکان قاینادیغینی اونوتمایین.

شیر

ظریف، جاذیبه‌دار و لیدر روحلو شیرلر سئودیکلری انسان‌دان ماکسیموم دقت گؤزله‌ییرلر. اگر سئوگیلینیز بیر شیردیرسه، اونا لاقید یاناشماق بؤیوک فاجعه‌یه سبب اولا بیلر. باشقاسینا کمپلیمنت اتمیینیز، کیمینله‌سه داها چوخ واخت کئچیرمیینیز شیرین قیسقانج‌لیق آتشینی آلوولاندیرار. و بو قیسقانج‌لیق، اؤزونو تنقید و دارتیشما شکلینده گؤسترر. اونلار رقابتی سئومیرلر – سئوگیده بیرینجی و تک اولماق ایسته‌ییرلر. قیسقانج‌لیقلاری ایسه بعضا اؤزونه اینام پروبلملری ایله ال-اله وئریر.

بوغا

بوغا بورجو سس‌سیز و ثابت گؤرونه بیلر، اما ایچ دنیاسین‌دا فیرتینالار قوپور. اونلار اوچون مناسبتده ثابت‌لیک و گوون چوخ اؤنملی‌دیر. اگر مناسبتده اؤزلرینی تهلوکه‌ده حس ائتسه‌لر، درحال قیسقانجلیق رژیمینه کئچیرلر. اما بونو آچیق شکل‌ده دئمزلر – اینجیمه، کوسوب-دورماق و سویوقلوقلا جواب وئررلر. بوغالار هم ده فیزیکی تماس و دقتی چوخ سئویرلر. اونلارا بو دقتی وئرمدیینیز زمان قیسقانج‌لیقلاری آرتار و مناسبت گئتدیکجه سویویار.

اگر سئودیینیز انسان عقرب، شیر و یا بوغاداندیرسا، بو بورجلرین قیسقانجلیغینی اداره ائتمیی باجارمالیسینیز. عکس حال‌دا، سئوگی گؤزل بیر ماجرا اولماقدان چیخیب، نظارت و مباحثه‌لرله دولو یوروجو بیر مناسبته چئوریله بیلر.