آذربایجانین اؤلمز صنتکارلارین‌دان بیری ده موغه‌ننی، آذربایجان اس اس ار خالق آرتیستی شؤوکت الکبرووادیر.

آخار. آذ خاطیرلادیر کی، او، ۱۹۲۲-جی ایل اوکتیابرین ۲۰-ده باکی‌دا آنادان اولوب. آصف زئینال‌لی آدینا موسیقی مکتبین‌ده حوسین قولو سارابسکینین صینیفینی بیتیردیک‌دن سونرا صحنه یارادیجی‌لیغینا باشلاییب.

شؤوکت الکبرووانین ایفاچی‌لیغی اوچون یوکسک ووکال مدنیتی، ائموسیونال‌لیق و لیریزم، موغام یارادیجی‌لیغی اوچون ایسه مهارت‌لی ایمپروویزاسییا باجاریغی سجیوی ایدی.

۱۹۳۷-جی ایلده بدیعی اؤزفعالیت کوللئکتیولرینین مسابیقه‌سین‌ده ایشتیراک ائدیب و اؤز چیخیشی ایله اوزئییر حاجی بیوو، سعید روستموو، بولبول کیمی صنتکارلارین دقتینی جلب ائدیب. اوپئرا تئاترین‌دا کئچیریله‌ن یئکون کونسرت‌ده شؤوکت الکبرووا «قاراباغ شیکسته‌سی»نی اوخویوب و فاطما مئهرعلیئوا و گول آغا ممدوولا بیرلیک‌ده ایلک اوچلویه داخیل اولوب. بو موسابیقه شؤوکت الکبرووانین پئشکار موسیقی صنعتینه گلیشینین اساسینی قویوب. ۱۹۴۵-جی ایلده‌ن فیلارمونییانین سولیستی کیمی ایشه باشلایان شؤوکت الکبرووانین ایفاسین‌دا سس‌لنه‌ن خالق ماهنیلاری، موغاملار، بستکار ماهنیلاری آذربایجان‌دا چوخ بؤیوک مشهورلوق قازانیب.

اس اس ار ای-نین بیر چوخ شهرلرین‌ده، فرانسا، ایسوئچره، سریلانکا، افغانیستان، هیندیستان، مصر، الجزایر، ایران، تورکییه، پولشا و دیگر خاریجی اؤلکه‌لرده اوغورلا چیخیش ائد‌ن شؤوکت الکبرووانین رپرتوارینا سه گاه، قاتار، شاهناز کیمی موغاملار، آذربایجان بستکارلارینین و اورتا شرق خالقلارینین ماهنیلاری داخیل ایدی.

اونون ایفاسین‌دا «آلداتمایاق بیر-بیریمیزی» ماهنی‌سینی تقدیم ائدیریک: