یوتوب سوسیال شبکه‌سینه ایکی گؤرکملی آشیغیمیزین - آشیق امراه (۱۹۱۴-۱۹۸۷) و آشیق کاماندارین (۱۹۳۲-۲۰۰۰) دئییشمه‌سی یئرلشدیریلیب.

کولت. آذ خبر وئریر کی، ویدئونو تقدیم ائد‌ن شاعر، ژورنالیست میرزه محمد اوغلو بئله بیر قید یازیب:

«شرطی قبول اولونان بو دئییشمه حقیقت‌ده آشیق صنعتین‌ده اؤزونه مخصوص یئر توتوب. اصیل دئییشمه‌لر مجلیسلرده بعضا قیسا، بعضا ده اوزون چکیب، هر هانسی ردیف اوستونده داها چوخ ردیف و جاواب تاپان صنعتکار وئردیی سوال ایله رقیبینی مغلوب ائد‌رک، حتی سازینی دا آلیب. بو ایکی اوستادین دئییشمه‌سی، بری باشدان دئییم کی، دوستیانا بیرگه اوخونان ماهنی‌دیر.

اوستاد آشیغیمیز آشیق کاماندار عصرین سونلاریندا اوندان آلدیغیم موصاحیبه‌ده اوستاد آشیق امراه ایله نئجه تانیش اولماسینی بئله خاطیرلاییر: «ایکینجی اوستادیم (ایلک اوستادی آشیق صادیق سولطانوو اولوب - م.م.) آشیق امراه، الله اونا رحمت ائلسین، قیز ائوین‌ده اولوب، من اوغلان ائوین‌ده. موللا ولیؤیو دئییرلر. موللا ولیؤیو پاشانین اوغلو محمدین تویونو دا من ائلمیشم. امراه دا قوجایئو محمدین ائوین‌ده اولوب. او دؤورون قهرمان اوغوللاریندان بیری».

اوزون سؤزون قیساسی، اونلار سونرادان بیر آرایا گلیر. گؤزل ایفالاری ایله مجلیس عضولرینی حیران ائدیرلر. اؤزلری ده دوست اولورلار. بیرگه خیلی مجلیسلر یولا سالیرلار... ۶۰-جی ایللرده گرجستان رادیوسو طرفین‌دن اونلارین هر ایکی‌سینین ایفاسیندا خیلی ماهنی، ائل‌جه ده بو دئییشمه‌لر لئنته آلینیب.

ایندی گرجستان رادیوسونون قیزیل فوندوندا، ائل‌جه ده منیم شخصی آرخیویمده قورونوب ساخلانیلان بو دئییشمه‌لری اونلارین پرستیشکارلارینین نظرینه چاتدیریرام».