«شیروانشاهلار سارایی کومپلکسی» دؤولت تاریخ-معمارلیق قوروق-موزئیی آذربایجان‌دا ۱۹۶۴-جو ایلده یارادیلیب. سارایین اینشا ائدیلمه‌سینین اساسی شیروانشاه ۱-جی ایبراهیم طرفین‌دن ۱۴-جو عصرده قویولموش، دیگرلری طرفین‌دن داوام ائتدیریلیب.

کولت. آذ خبر وئریر کی،۱۵-جی عصر معمارلیغینین شاه اثری، ۶-جی-۱۶-جی عصرلرده مؤوجود اولموش شیروانشاهلار دؤولتینین حکمدارلارینا مخصوص شیروانشاهلار سارایی اورتا عصر مدنیتینین، علمین، صنعتین و بوتون معنوی گؤزل‌لیکلرین اوجالیغینی اؤزون‌ده احتیوا ائد‌ن یئگانه سارایدیر. سارای کومپلئکسی ۵۲ اوتاق‌لی سارای بیناسینی، دیوانخانا، سید یحیی باکووی توربه‌سی، کی قوباد مسجیدینین قالیقلاری، شرق پورتالی، سارای مسجدی، شیروانشاهلارین عایلوی توربه‌سی و سارای حمامی عابده‌لرینی اؤزون‌ه بیرلشدیریر.

سارای یاشاییش بیناسینین ۱-جی مرتبه‌سین‌ده اوتاقلارین سایی ۲۷ ایدی. بورادا سارای کیتابخاناسینا خیدمت ائد‌ن دفترخانا، خطاطو ر‌ساملارین اوتاقلاری، مطبخ، ارزاق اوتاقلاری، خیدمت‌چی اوتاقلاری و س. یئرلشیردی. واختیله ۲۵ اوتاغی اولموش ۲-جی مرتبه‌ده ایسه تاخت-تاج اوتاغی، زنگین کیتابخانا، شیروانشاه و عائله‌سینه عایید استراحت و س. اوتاقلار واردی.

دیوانخانا (XV عصر) شیروانشاهلارین سارای کومپلئک‌سینین ان کلاسسیک اثریدیر. آبی‌دنین اینجه داشویما آرابسکالاری عصرلردیر کی، زیارت‌چیلری والئه ائدیر. ناخیشلارین رئلیئف درین‌لیگی بعضی یئرلرده ۴-۵ س.م-ا چاتیر. پورتالین ساغ و سول جاشییه‌سین‌ده‌کی آلتی گوشه‌لی مئدالیونلاردا اورتا عصر عرب «کوفی» خطی ایله موسلمانلارین مقدس سؤزلری یازیلمیش‌دیر کی، اونلار دا اؤزو-اؤزلویون‌ده رومبلاری عمله گتیرمیش‌دیر. دیوانخانانین او دؤورون سیاسی حادثه‌لری ایله علاقدار یاریمچیق قالمیش اینشااتی بو گون ده تعینات فونکسییاسینا دایر مذاکیره‌لر دوغورور.