بو ایلین آوقوست آیین‌دا آوتومبیل ایستحصالی کئچه‌ن ایلین آوقوستو ایله مقاییسه‌ده ۵۰ فایزدک آزالیب، حالبوکی، صنایع ناظری دفعه‌لرله آوتومبیل ایستحصالینین آرتاجاغینا سؤز وئریب.

معلوماتلارا گؤره، بو ایلین آوقوست آیین‌دا ایران‌دا آوتومبیل ایستحصالی ۴۷ مین ۳۱۷ اد‌ده چاتیب کی، بو دا اؤتن ایلین عینی دؤورو ایله مقاییسه‌ده ۴۷،۱ فایز آزالما دئمک‌دیر. سرنیشین آوتومبیللرینین ایستحصالی دا ۴۳ مین ۷۵۸ عد‌ده قدر آزالیب کی، ۲۰۱۸-جی ایلین آوقوست آیی ایله مقاییسه‌ده ۴۷،۷ فایز آزالما گؤستریر.

«فارس» آگئنتلیینین معلوماتینا گؤره، آوقوست آیین‌دا ایران خودرو شیرکتینین ایستحصال حجمی ۵۸.۷ فایز آزالیب و سایپا آوتومبیل کورپوراسییاسی دا ۲۰۱۸-جی ایلین آوقوست آیی ایله مقاییسه‌ده آوتومبیل ایستحصالین‌دا ۲۳.۴ فایز آزالما ایله اوزلشیب.

بو ایلین ایلک بئش آیین‌دا موختلیف نؤو آوتومبیللرین ایستحصال وضعیتی ایله باغلی دا، ۲۰۱۸-جی ایلین ایلک بئش آیی ایله مقاییسه‌ده ۳۹،۸ فایز آزالمانی قید ائتمک لازیم‌دیر. همچینین بو ایلین ایلک بئش آیین‌دا سرنیشین آوتومبیللرینین ایستحصالی کئچه‌ن ایلین عینی دؤورو ایله مقاییسه‌ده ۴۰،۸ فایز آزالیب.

ایران خودرو صنایع کورپوراسییاسی بو ایلین ایلک بئش آیین‌دا موختلیف نؤع آوتومبیللرین ایستحصالی اوزره ۳۹.۷ فایز، سرنیشین آوتومبیللرینین ایستحصالی اوزره ایسه ۳۹.۱ فایز آزالما ایله قارشیلاشیب.

بو ایلین ایلک بئش آیین‌دا سایپا کورپوراسییاسین‌دا موختلیف مودئل آوتومبیللرین ایستحصالی ۲۸.۵ فایز و سرنیشین آوتومبیللرینین ایستحصالی ۳۱.۵ فایز آزالیب.