آد‌ گونون قوتلو

ساعات‌لاردی یازماق ایسته‌ییرم. بئیین دایاناندا ال ده دایانیر. فیکیرله‌شیرم گرک اوندان یازاندا سؤزجوک‌لره چوخ اؤنم وئرم.

اوندان یازماق گونده‌لیک بیر اولایی یازماغا، بیر آرزینی، بیر آنینی یازماغا، هئچ بیرینه بنزه‌میر. اوندان یازماق چتین‌دیر، یوخلوغوندان دا چتین‌. آدی گلنده، منیم اوچون هر شئی دونور.

سینیرلار دونیانین چوخ یئرینده، آیریلیغی، بؤلونمه‌نی تمثیل ائدیرلر آما منیم وطنیمده سینیر بیرلشمه‌یی خاطیرلادیر. اونون دا آدی، سینیرلارین قالدیریلماسینی، تیکانلی مفتیل‌لرین سؤکولمه‌سینی بئینیمده جانلاندیریر. آدی، آرازلا بیر آنلام تاپیر بو تورپاق‌لاردا. آخیر باتیدان، سوزور خزره و کئچیر تاریخه. آدی #تورک دونیاسینی آلتینا آلیر. آدینی، تورپاق بویدا، وطن بویدا سئویرم. آد گونون قوتلو اولسون "ائلچی بی".