تبریز هر زامان آرزولاریمیزین شهری اولوب، بو شهری بیر دفعه گؤره‌ن بیر ده گؤرمک ایسته‌ییب.

هاواسییلا، یاغیشییلا، یاز سحرینین سرین مهی، چیچکلرینین شهی ایله قلبه یاتیر، اورک سئویندیریر، گؤز اوخشاییر بو شهر. بو شهر ناغیللاردا، اساتیرلرده، گئرچکلیک‌ده آدینا «جنت» دئییلن بیر مکاندیر: تاریخه دامغاسینی ووران بؤیوک دؤولتلریمیزین، ایمپرییالاریمیزین پایتختی‌دیر! تانریمیز بو شهره بوتون گؤزللیکلرینی وئریب...
بهارین گلیشی تبریزده بیر فرفلی اولور: شهرین گؤزللیینه خصوصی بیر گؤزللیک قاتیلیر، خیابانلار، شهر اطرافی مکانلار طبیعتین سهرینه دوشور ائله بیل. اینسانلاری سهرله‌مکده، گؤزلری سئویندیرمکده اولان لاله‌لر بوی-بویا وئریر، ال-اله توتوب سئوگی‌لیلر کیمی نازلانلر...

بوتون شهر لاله‌لرین گؤزللیک یاغیشیندا عطرلنیر. یول کنارلاریندا، سکیلرده، خیابان و گزینتی یئرلرینده اکیلن لاله‌لر شهری دوغرودان دا گئرچک حیاتدان ناغیللار دونیاسینا – جننته بنزدیر، آرزولار دیارینا چئویریر.

تبریزه گلن چوخسایلی قوناقلار، توریستلر بو گؤزیلیکدن دویمور، مفتون اولور، ایچلرینده بیر راحت‌لیق، گؤزلرینده بیر بختورلیک سرگیلییرلر. بو گؤزللیکلری بوتون سوسیال شبکه‌لرده پایلاشیرلار. تصادفی دئییل کی، بو گونلرده سوسیال شبکه‌لرده و آختاریش قروپلاریندا «لاله» سؤزونو یازدیقدا درحال «تبریز» سؤزو چیخیر، مونیتورا تبریز شهری گلیر.
آرزولاریمیزین شهرینده‌کی باهارا بیر یئرده تاماشا ائدک: