ایمپریالیزمه قارشی قورتولوش مجادیله‌سی وئره‌رک موستقیل بیر دؤولت قوران آتاتورکون دوشونجه و حرکتلری دیگر مظلوم خالقلار اوچون ایلهام قایناغی اولوب. معین واختلاردا شیمالی آفریکا و آسییاداکی بیر چوخ توپلوملار تورکییه‌یه باخیب موستقیل‌لیک اوغروندا موباریزه‌یه قالخاراق دؤولتلرینی قورورلار.

آخار. آذ خاطیرلادیر کی، بئله اؤلکه‌لردن بیری ده هیندیستان ایدی. اؤز موستقیل دؤولتلرینی قوران هیندیستانین بؤولت باش‌چی‌سی ۱۹۳۰-جو ایلده آتاتورکه سئوگی و دوستلوغون رمزی اولاراق ایپک خالچا هدییه گؤندریر.

دئییلنه گؤره، خالچانین اوزرینده‌کی ناخیش و موتیولر خصوصی اولاراق بیر کاهین طرفین‌دن حاضیرلانیب و بورادا آتاتورکون حیاتی ایله باغلی سیرلی شیفره‌لر یئر آلیب.

ماراق‌لی بوراسی‌دیر کی، خالچا ایللرله هئچ کیمین دقتینی چکمه‌ییب. آنجاق سون ایللر آتاتورکه گؤندریلن هدییه‌لری تدقیق ائد‌نلر خالییا دقت ائد‌نده اونلاری حیرت بورویوب. چونکی خالچاداکی موتیولر سون درجه ماراقلی ایدی.

بئله کی، دؤردکونج شکلینده اولان خالچانین اوزرینده بیر ساعت شکلی چکیلیب و ساعت ۰۹:۰۷-نی گؤستریر. آتاتورکون اؤلومو ایله باغلی وئریلن آچیقلامالارا گؤره، آتاتورکون اوریی ۰۹:۰۵-ده دایانیب، بئیین اؤلومو ایسه ایکی دقیقه سونرا گئرچکلشیب.
یعنی، خالچادا اولان ساعت آتاتورکون دونیاسینی دییشدیی آنی گؤستریر. ماراقلی‌دیر کی، خالچادا اولانلار تک بونلاردان عبارت اولسایدی، تصادف دئییب کئچمک اولاردی. آنجاق خالچانین آنا ناخیشلارینی کاسیمپاتی (پاییزدا آچان رنگلی گوللر ) چیچکلری بزییر. نویابر آیین‌دا یئتیشن بو چیچکلر کدر و آجینین سیموولو کیمی بیلینیر. بوندان باشقا، خالچادا اون قوللو بیر شامدان و اون عدد فیل اورنامئنتی ده وار.

بوتون بونلارا دقت ائتدیک‌ده «نویابرین ۱۰-دا ساعت ۰۹:۰۷-ده بیر هوزنون یاشاناجاغی» آنلامینا گلدیینی گؤروروک.
آتاتورکون اؤلومو ایله باغلی وئریله‌ن معلومات‌دا دئییلیر کی، ۱۹۳۸-جی ایل نویابرین ۷-ده حکیملر آتاتورکون قارنین‌دان اوچونجو و سون دفعه سو چکیبلر. نویابرین ۸-ده ایسه آشخام ساعت ۱۹:۰۰-دا آتاتورک حکیمی نشعت عمر ایردئلپه باخاراق «علیکم السلام» دئییر و کومایا گیریر. نویابرین ۹-او گونو و گئجه‌سی آتاتورک کومادا اولور. نهایت، کومادان آییلمایان آتاتورک ۱۹۳۸-جی ایلین نویابرین ۱۰-دا سحر ساعت ۰۹:۰۵-ده ایستانبول دولماباخچا سارایین‌دا حیاتا گؤزلرینی یومور.

بیر داها آیدین اولور کی، هیندیستان‌دان هدییه کیمی گؤندریله‌ن خالچادا اولان توخومالار آتاتورکون اؤلومو ایله باغلی مقاملارا بیر ایشاره‌دیر.

پ.س. حکیملرین یایدیغی رسمی معلومات‌دا دا آتاتورکون ۱۹۳۸-جی ایل نویابرین ۱۰-دا ساعت ۰۹-۰۵-ده دونیاسینی دییشدیی بیلدیریلیر.